काठमाडौं, १७ चैत । गायिका मन्जु महत हाम्रो सामु अब कहिल्यै नफर्किने गरी हाम्रो सामुबाट विदा भएर गइन् । उनले धेरैलाई नचाइन्, धेरैलाई हँसाइन् र मनोरञ्जन दिने क्रममै उनका स्वरहरुले मन्त्रमुग्ध गराइरहे तर अन्त्यमा उनले सबैलाई रुवाएरै विदा भइन् । अब हामीले खोजेर पनि उनलाई पाउँदैनौं, मात्र उनका स्वरमा सजिएका गीतहरुले मात्रै उनलाई अमर बनाइराख्ने छ । उनी मरेर पनि बाँचिरहनेछिन् ।
५ वर्षे छोरी र १७ महिने छोराका लागि चिची, पापा ल्याउने उनको इच्छा अब पूरा भएन । उनको मातृबात्सल्यबाट छोरा र छोरी बञ्चित रहिरहे । पोखराकी छोरी भएर धरानकी बुहारी बनेकी गायिका मन्जुको दुःखद् निधनले सम्पूर्ण गीतसंगीतप्रेमीहरुलाई मात्र नभएर सबै सर्वसाधरणलाई पनि रुवायो । काठमाडौंलाई कर्मथलो बनाएर मन्जुले धेरै गीत गाइन्, धेरैमा अभिनय गरिन् तर अन्तिम गीत रेकर्ड गर्ने क्रममा उनको दुर्घटनाबाट मृत्य हुन पुग्यो । यो दुखद् खबरले सबैलाई आज स्तब्ध बनाएको छ ।
‘रुदै रुदै जान्छु मेलामा’ भन्ने चर्चित गीतकी गायिका तथा मोडल मञ्जु महतले आज सबैलाई रुवाएर गइन् ।  मञ्जुले ‘रुदै रुदै जान्छु मेलामा’ गीतमा मोडलिङ गरेकी थिइन्, समकक्षी तथा लोकदोहोरी प्रेमीहरुलाई रुवाएर अलविदा भइन् । दुर्घटनाका कारण शनिबार निधन भएकी स्व. महतको सोमबार पशुपति आर्यघाटमा हिन्दु परम्पराअनुसार अन्तिम दाहसंस्कार गरिएको छ । २९ वर्षीया स्व. महतलाई उनका ससुराले दागबत्ती दिएका थिए

मञ्जु महतको शवलाई सोमबार बिहान साढे ११ देखि १ बजेसम्म नेपाल प्रज्ञा प्रतिष्ठानको डबलीमा सार्वजनिक श्रद्धाञ्जलीका लागि राखिएको थियो । मञ्जुलाई अन्तिम विदाई गर्न पुगेका कलाकारले आँशु थाम्न सकेनन् । मञ्जुको पार्थिव शरीरमा श्रद्धाञ्जलीका फूलहरु आइरिरहँदा उनका ढेड वर्षीय छोरा प्रस्तुत चिच्याईरहेका थिए । मञ्जुको अवोध छोरा प्रस्तुतलाई देखेपछि कलाकार तथा सर्वसाधारणको गला रोकिएको थियो । ‘मञ्जुले हामीलाई त छाडेर गइन् नै यी नाबालक छोरालाई पनि बिर्सेर गइन्’, गायक पशुपति शर्मा भन्दै थिए, ‘दैव पनि निष्ठूरी नै हुँदोरहेछ ।’ पछिल्लो गीत ‘सोह्र दुना आठ’ मञ्जुले पशुपतिसँगै गाएकी थिइन् । जुन गीतको लोकप्रियताले मञ्जुलाई ‘सोह्र दुना आठ’ गायिकाको ट्यागसमेत दिएको थियो ।
आज कल्पना नै गर्न नसकिने यस घटनालाई नचाहेरै पनि स्वीकार्नु परेको छ । यस घटनाले लोक दोहोरी क्षेत्र मात्र होइन गीतसंगीत पुरै उद्योगलाई स्तब्ध बनाएको छ । हाम्रो उद्योगले अब मञ्जु महतजस्तो गायिका पाउने छैन । मञ्जुले कहिल्यै रिसाउन नजान्ने एक मिलनसार र संघर्षशील गायिका थिइन् । उनका शत्रु एकजना पनि छैनन्, उनीहरु गुणले सम्पन्न कलाकार थिइन् ।
‘स्टेज क्विन’ का रुपमा लोकदोहोरी क्षेत्रमा आफूलाई चिनिएकी स्व. मञ्जुलाई अन्तिम श्रद्धाञ्जली दिन सभामुख सुवास नेम्बाङ, उर्जामन्त्री राधा ज्ञवालीलगायत राजनीतिक दलका नेता तथा कार्यकर्ता प्रज्ञा प्रतिष्ठान पुगेका थिए । सभामुख नेम्बाङले मञ्जुको निधनले आफूलाई दुखी बनाएको भन्दै राष्ट्रले एक प्रतिभा गुमाएका बताए । उनले भने, ‘म कला र कलाकारको सम्मान गर्छु, कलाकार भनेका राष्ट्रका सम्पति हुन् । गायिका मञ्जु महतको निधनप्रति दुःख व्यक्त गर्दछु ।’ गायिका मन्जुका लागि गीतसंगीत क्षेत्रका हस्तीहरुको बाक्लो उपस्थिति रहेको थियो । उनको अन्तिम संस्कारका लागि आर्यघाटमा पनि सर्वसाधरण एवं गायक गायिकाहरुको बाक्लो उपस्थिति रहेको थियो ।
अलविदा मन्जु ।

Singer Manju Mahat

Singer Manju Mahat

Singer Manju Mahat

Singer Manju Mahat

Singer Manju Mahat

Singer Manju Mahat

Singer Manju Mahat

Singer Manju Mahat

Singer Manju Mahat

Singer Manju Mahat 

Singer Manju Mahat

Singer Manju Mahatl