स्पेनिस संगीतमा चर्चा बटुल्दै पन्थ

म्यूजिक खबर
प्रकाशित: १८ माघ २०७०, शनिबार

काठमाडौं, १८ माघ । नेपाली संगीतलाई विश्व बजारमा विस्तार गर्ने क्रममा धेरै संगीतकर्मीहरु लागिपरिरहेको बेला नेपाली संगीतका पारखी संगम पन्थ पनि स्पेनिस भाषामा नेपाली गीतसंगीतलाई विस्तार गरिरहेका छन् । स्पेनिस भाषाको राम्रो ज्ञान भएका संगमले आफूलाई नेपाली गीतसंगीतमा जस्तै स्पेनिस गीतसंगीतमा पनि उत्तिकै सबल देखाउन लागिपरेका हुन् । केहि समय अगाडी मात्र एआर रेहेमानको संगीतमा नेपालकी गायिका आनि छोइङ डोल्माले गीत गाएकी थिइन् । त्यस्तै संगीतकार सन्तोष श्रेष्ठको संगीतमा साउथ एसियन गायक देव राखाले पनि नेपालीमा गीत गाएका थिए । यसरी हेर्दा केही विदेशी नेपाली भाषामा आएका छन् भने नेपालीहरु पनि विदेशी भाषामा गीतसंगीत सिर्जनागर्नतर्फ लागिरहेका छन् ।
वि.सं.२०६५ सालमा डोरेमी संगीत पाठशालामा औपचारिक रुपमा गायन कक्षा लिएका संगम पन्थ संगीतकार न्ह्यु बज्राचार्यको संगीत र गीतकार दुर्गालाल श्रेष्ठको शब्दमा ‘माया भन्ने’ पहिलो गीत गाएर सांगीतिक क्षेत्रमा प्रवेश गरेका हुन् । पन्थले स्पेनिस भाÈामा पनि धेरै काम गरेका छन् । स्पेनीस भाÈामा राम्रो दख्खल रहेकाले प्रविधिको माध्यमबाट सो भाÈाका गीतहरु सिर्जना गर्दै आएका छन् । अहिलेसम्म पन्थको आफ्नै शब्द, सङ्गीत, स्वर तथा सङ्गीत संयोजनमा स्पेनिस भाषाका गीतहरु एरेस तु, मेखिकानोस, या नो एस्तास, आब्लेमोस सोब्रे एल मुन्दो, ला भिदा एस फ्राखिल, दियोस मियो, मुन्दो एन पास, पुएर्तोरिको, प्रिन्सी र नो पुएदो मिरारते लगायतका रहेका छन् । उनका गीतहरु डोमिनीकन रिपब्लिकमा रहेको म्युजिक रेडियोले वि.सं २०६८ मा जीवनी कार्यक्रमपनि प्रस्तुत गरेको थियो । सो रेडियोको अन्तर्वार्ताकै कारणले आर्जेन्टिनाको नेशनल रेडियो र भेनेजुएलाको एल पोर्ताल देल आमोर रेडियोमा ‘आतिस्र्ता देल दिया“ आटिस्र्ट अफ दि डे’ को रुपमा गायक, संगीतकार पन्थको फिचर गरिएको थियो । भविष्यमा नेपाली र स्पेनिस लगाएत विभिन्न भाÈामा संगीत रचना गरेर नेपाली कलाकारलाई अवसर प्रदान गरी नेपाली आवाजलाई विश्व भर पु¥याउने लक्ष्य रहेको पन्थले बताए । पन्थले हालसम्म सय भन्दा बढी गीतहरु आफ्नै शब्द, सङगीत र स्वरमा रेकर्ड गराइसकेको बताए ।
पन्थले अविनाश विक्रम शाहको निर्देशनमा तयार भएको चलचित्र चलचित्र ‘म खुसी छु’मा संगीत दिएका छन् भने उनीद्वारा संगीतवद्ध चलचित्रहरु अन्तर्राष्ट्रिय महोत्सवमा सहभागी भएका छन् । संगम पन्थ वि.सं.२०६९मा मण्डला थिएटरको पहिलो प्रस्तुति नाटक ‘सुनकेसरी’को संगीत गरी पहिलो मञ्चन गर्न बंगलादेशको राजधानी ढाकामा गएका थिए । यस्तै गीतकार जानकी पन्थको शब्दका गीतहरु ‘मिठो बोल्यौ’ र रक्तदान’को संगीत गरिसकेका छन्, भने आफ्नै शब्द र संगीतमा स्पेनीस गीत सहितको पहिलो नेपाली एल्बम ‘संगम’ बजारमा ल्याइसकेका छन् ।

 

फेसबुक प्रतिक्रिया
सम्बन्धित शीर्षकहरु