दरबार रोधी घर दोस्रो वर्षमा, ८ स्रष्टालाई सम्मान

    ambar birahi gurung

    चैत २, काठमाण्डौ । राजधानीको जमलमा रहेको दरबार रोधी घरले पहिलो वर्ष पूरा गरी दोस्रो वर्षमा प्रवेश गरेको उपलक्ष्यमा ८ स्रष्टालाई सम्मान गरेको छ । नेपाली कांग्रेसका नेता एवं सभासद जगदीश नरसिंह केसीको प्रमुख आतिथ्यतामा लोकदोहोरीको क्षेत्रमा उल्लेख्य योगदान पु¥याएका ८ जना स्रष्टालाई रोधीघरले सम्मान गरेको हो । दरबार रोधी घर स्रष्टा सम्मान २०७३ बाट राष्ट्रिय लोक तथा दोहोरी गीत प्रतिष्ठान नेपालका संस्थापक अध्यक्ष गायक अमर विरही गुरुङ, गायक, संगीतकार एवं निर्देशक नारायण रायमाझी, गायक बमबहादुर कार्की, गायक घमेश दुलाल, गायिका बीमा कुमारी दूरा, गायिका गीता देवी, गायक दुर्गा रायमाझी, प्रतिष्ठानका निवर्तमान अध्यक्ष एवं गायक चन्द्र शर्मालाई रोधीघरले सम्मान गर्दै उनीहरुको योगदानको चर्चा गरिएको थियो । ८ स्रष्टालाई लोकदोहोरीको क्षेत्रमा अनवरत खटेर योगदान पु¥याएको हुँदा सम्मान गरिएको बताइएको छ ।

    bam

    रोधीघरका संचालक शिव गौतमको सभापतित्वमा सम्पन्न भएको उक्त कार्यक्रम विविध सांस्कृतिक प्रस्तुतिसहित सम्पन्न भएको थियो । सगरमाथा टेलिभिजनबाट प्रत्यक्ष प्रसारण गरिएको उक्त कार्यक्रममा सम्मानित अतिथिहरुले प्रस्तुति दिएका थिए । रोधीघरले स्रष्टाहरुको सिर्जना प्रयोग गरेवापत रात्रीकालिन व्यवसायबाट रोयल्टी समेत दिने निर्णय गरेको छ । कलाकारहरुको सिर्जनाबाट व्यवसाय गरिएको हुँदा त्यसको रोयल्टी दिने घोषणा समेत गरेका थिए । पारिवारिक वातावरणमा संचालन हुँदै आएको यस रोधीघरका संचालकमा अशोक गिरी, सुनिल थापा, शिव गौतम रहेका छन् । जमलस्थित मायालु कम्प्लेक्समा रहेको यस रोधीघरमा गायक सुमन परियारको नेतृत्वमा गायक रञ्जित परियार, गायक चिज गुरुङ लगायतको सांस्कृतिक टोलीले मनोरञ्जन प्रदान गर्दै आइरहेका छन् । बेलुकाको रोधीका अलावा दिउँसमो विभिन्न विमोचन, सभा, गोष्ठीसहित रुफटप रेस्टुरेन्टको पनि व्यवस्था गरिएको छ ।

    narayan

    IMG_2482 gita devi ghamesh durga rayamajhi chandra

    तस्विरः प्रभा पौडेल

    Facebook comments