• बेश्यालय शुद्ध कि न्यायालय…..?

    नवराज लम्साल


    बेश्यालय शुद्ध कि न्यायालय…..? (कविता)

    हात्ती बलियो कि हात्तीछाप चप्पल
    उस्तै – उस्तै हाे नानू
    बेश्यालय शुद्ध कि न्यायालय ……?
    उस्तै – उस्तै हाे नानू
    फरक यति मात्र छ
    बेश्यालय घृणाकाे रूपमा पुकारिन्छ
    विवशताकाे फाइदा उठाईन्छ
    त्यहाँ जे हुन्छ, त्याे देखिन्छ
    त्यहाँ देहकाे किमत मागिन्छ
    पीडाको उदासीनता भुल्न
    शराव, शवाव र सिगरेटकाे
    समिश्रण गरिन्छ ।
    ग्राहककाे ईच्छा अनुरूप
    खुला रूपमा अाफूलाइ नङ्ग्याईन्छ
    तर
    न्यायालय मन्दिरको रूपमा पुकारिन्छ
    विधताले अन्धाे बनाएको महिलाको
    निष्पक्ष तराजुकाे लाेगाे भित्र
    भ्रष्टाचारको दवदवा चलाईन्छ
    त्यहाँ जे हुन्छ कानुनको धाराले छाेपिन्छ ।
    त्यहाँ न्याय किस्ता- किस्तामा बेचिन्छ
    ठूला लाई नुन र सानालाई सुन
    मान्छे काे स्तर हेरेर
    धेरै वा थाेरैकाे मुल्य ताेकिन्छ ।
    गरिबकाे अास्था र विस्वास
    बैधानिक अावरणमा लुटिन्छ ।

    हात्ती बलियो कि हात्ती छाप चप्पल
    उस्तै- उस्तै हाे नानू
    बेश्यालय शुद्ध कि न्यायालय ….?
    उस्तै -उस्तै हाे नानू
    फरक यति मात्रै छ
    बेश्यालयमा अस्मिताकाे
    खुलम्खुल्ला मूल्य राखिन्छ ।
    कृतिम साैंन्दर्यतामा
    विशेष चनाखो पारिन्छ
    त्यहाँ दाैलतकाे बाँहाेमा
    जवानीकाे जाम पिलाइन्छ ।
    ग्राहकलाइ लत पार्न
    ग्ल्यामरस जादुमा फसाइन्छ
    त्यहाँ जे हुन्छ खुल्ला विज्ञापन गराईन्छ
    त्यसकारण बेश्यालय नरककाे रूपमा कहलाईन्छ
    तर
    न्यायालयमा कानुनकाे साङ्लो भित्र
    घाेची- घाेची बेहाेस पारिन्छ
    काईते शव्द जाल थुपारेर
    विस्वासकाे हवन गरिन्छ
    भेटीकाे लेखाजाेखामा
    फाईलकाे रूप रंग फेरिन्छ
    त्यहाँ जे हुन्छ अध्याराेमा गरिन्छ ।
    स्वतन्त्रता र समानताको
    मूण्डमाला भित्र
    जीन्दगी किनिन्छ, बेचिन्छ ।
    त्यहाँ जे हुन्छ त्याे धारा, उपधारा ले छाेपिन्छ
    निष्पक्षताकाे नारा भित्र
    निर्लज्य धर्म छाडा कसाहीहरू द्वारा
    श्वेत बस्त्रकाे अावरणमा
    न्यायामुर्ति बनेर अन्तिम फैसला सुनाईन्छ ।
    त्यहाँको जघन्यतालाई
    कानून काे लाहछाप लगाईन्छ
    त्यसकारण न्यायालयलाई
    मन्दिरको रूपमा पुकारिन्छ ।

    Facebook comments