‘तिमी मन प¥यो भनेर गीत गाएको सिरियस नै हुनुभएछ’

    [likebtn]

    मन्जु पौडेल, गायिका


    तपाईं आफूलाई गायिका, नायिका वा कार्यक्रम प्रस्तोता के भनेर चिनाउनुहुन्छ ?
    म कलाकार मन्जु पौडेल हुँ । दर्शकस्रोताले जसरी चिन्नुभएको छ म त्यही मन्जु पौडेल हुँ । म पहिला त एउटा राम्रो कार्यक्रम प्रस्तोता हुँ । त्यसपछि गायिकाको परिचय दिन्छु । पछिल्लो समयमा मैले अभिनयको पाटोमा पनि हात हाल्दैछु । चलचित्र ‘पोखराकी काली’मा सानो भुमिका निर्वाह गरेकी छु । शोभित बस्नेतको ‘बाबु कान्छा’मा पनि अफर आएको छ, स्क्रिप्ट चित्त बुझे काम गर्नेछु । अब यसमा दर्शक श्रोताले के भनेर चिन्नुहुन्छ, मेरो परिचय त्यहि नै हो । मलाई त्यसमै खुशी मिल्नेछ ।

    manju poudel
    भनेपछि उद्घोषिका हुँदै गायिका बनेकी मन्जु पौडेल अब अभिनयमा पनि तर यतिबेला उचित होला ?
    मलाई अभिनयका लागि पहिला पनि धेरै अफर आएका हुन् । तर रिजेक्ट गर्दै आएको हुँ, धेरै दर्शक श्रोता र फ्यानहरुको सुझाव र चाहना अनि मेरो व्यक्तिगत चाहनाले पनि यतिबेला अभिनय तिर मन गएको छ । हेरौं के हुन्छ ?
    गायिका बनेर सन्तुष्ट मिलेन ? किन अभिनयतिर ?
    अत्यन्तै सन्तुष्ट छु । फेरि अभिनयमा मोडिने बितिकै अब गायन र उद्घोषणलाई चटक्क छाड्ने पनि त हैन । जसरी उद्घोषण गर्दा गर्दै गायनतिर पनि हात हालें र उद्घोषलाई छाडिन, त्यसरी नै अभिनयमा हात हाले ।

    manju paudel
    मन्जु पौडेलले गीत गाउन र स्टेज पर्फम गर्न पनि सक्छिन् है भन्ने सिग्नल चाहिं कहिले थाहा पाउनु भयो ?
    म गायिका र प्रोग्राम पर्फर पनि बन्न सक्छु भन्ने सिग्नल मेरो बाल्यावस्थाले नै देखाएको थियो । विद्यालयमा हरेक शुक्रबार हुने अतिरिक्त कार्यक्रममा कविता सुनाउँथे, गजल गीत गाउँथे । कार्यक्रम सञ्चालन पनि गर्थे । त्यो नै मेरो गायिका तथा स्टेज पर्फर बन्ने शुरुवाती तर बलियो प्रमाण हो । फेरि आमा पनि राम्रो गीत गाउने भएकाले पनि होला तिजमा खुबै गीत गाइन्थ्यो ।
    अनि कसरी शुरु भयो त उद्घोषण र गायनको यात्रा ?
    बुटवलमा आरजे टेनिङ आयोजना गरिएको थियो, जसमा उत्कृष्ट हुनेलाई रोजगारको पुरस्कार राखिएको थियो । २०६० सालमा भएको सो ट्रेनिङमा उत्कृष्ट भएर बुटवल एफएममा काम गर्ने मौका पाएँ । त्यसपछि २०६५ सालमा म काठमाडौं आएँ । काठमाडौं आएपछि स्टार एफएममा काम गरेँ । त्यसपछि नेपाल टेलिभिजनमा कार्यक्रम प्रस्तोताको रुपमा काम गरेँ । गीतसंगीतको कार्यक्रम संचालन गर्दै जाँदा मलाई गीतसंगीतको पनि मोह बढ्यो र गायनतर्फ पनि मोडिएँ । २०६२ सालमा पहिलो पटक मैंले तीज गीत रेकर्ड गराएको थिएँ । बिरहको तिज बोलको उक्त गीतले तत्कालीन संकटकालीन समयलाई सम्बोधन गरेको थियो । त्यसपछाडि यो मितिसम्म आइपुग्दा मैंले ४ वटा एल्बम ल्याएकी छु भने ३५ वटा जति गीतमा स्वर दिएको छु । संख्यात्मक हिसाबले हेर्ने हो भने यो न्युन नै हो तर पनि गुणात्मक र चर्चाका हिसाबले मलाई खुशी दिएका छन् मेरा गीतहरुले ।
    उद्घोषण र गायन कुन सजिलो ?
    उद्घोषणमा त्यहाँको बस्तुस्थिति, आयोजक, अडियन्स जानेर काम गर्नुपर्छ । यसमा अत्यन्तै चुनौतीहरु हुन्छन् । कार्यक्रम सफल बनाउनुमा कार्यक्रम सञ्चालकको पनि ठुलो हात हुन्छ । मलाई उद्घोषण भन्दा गायन नै सजिलो लाग्छ ।
    अधिकांश दोहोरी गीत गाउनुभएको छ है । कस्तो गायिकाको रुपमा चिनाउन चाहनुहुन्छ आफुलाई ?
    हो मैंले धेरै दोहोरी गाएकी छु । तर यो भन्दैमा मैंले लोकदोहोरी मात्रै गाएकी छैन । भर्खरै राष्ट्रिय भावनाले ओतप्रोत भएको ‘म त नेपालकी छोरी’ बोलको आधुनिक गीत पनि गाएकी छु । जसमा नारायण कँडेलको शब्द रहेको छ भने सुगम संगीतका प्रिय संगीतकार सन्तोष श्रेष्ठको संगीत रहेको छ । दोहोरी बाहेकका गीतमा पनि न्याय गर्न सक्छु, गाउन सक्छु भने कसरी लोकदोहोरी गायिका मात्र भनेर आफ्नो परिचयलाई साँघुरो बनाउँ । जस्ट गायिका मात्र हुँ, कलाकार हुँ ।

    manju poudel
    दोहोरी गायनमा अडियन्स तताउनलाई उच्छृंखल शब्द प्रयोग गरिन्छ नि ?
    सर्वप्रथम दोहोरी खेलिनु भनेको रमाइलोका लागि हो । गीत गाउँदा अनुशासनमै बसेर गीत गाउन जरुरी छ । अडियन्सले जिब्रो टोक्ने खालको गीत गाएकी छैन । मेरो सहकर्मीले अपाच्य शब्द र भावमा गीत गाएको अवस्थामा परिस्थिति नै डाइर्भट गरिदिन्छु । एकले अर्कालाई छेडखानी गर्दा र उत्तर दिंदा साम्य भएर रमाइलो हुने किसिमले गीत गाउने गरेकी छु । फेरि हरेक क्षेत्रमा त्यसको नकारात्मक र सकारात्मक अर्थ हुन्छ । त्यस्तै दोहोरी गीतमा गाइने शब्दहरुले पनि दोहोरो अर्थ बोकेका हुन्छन् । हामीले सकारात्मक अर्थले बुझ्नु पर्छ । गीत गाउँदा यस्ता शब्द अहिले मात्र प्रयोग भएका हैनन् । पहिला पहिला पनि यस्ता शब्दहरु प्रयोग हुन्थे । जस्तै ‘छोरी भन्दा आमा तरुनी, लिपिस्टक पाउडरले’ जस्ता गीतलाई हामीले सहज किसिमले लियौं भने लाइभ दोहोरीमा रमाइलोका लागि प्रयोग हुने शब्दहरुप्रति सकारात्मक नै हुन जरुरी छ ।
    लाइभ दोहोरी गाउँदा लान्छु र लैजान्छु भन्दैजाँदा, प्रस्तुति पछि असहज परिस्थितिको सामना गर्नुपरेको छ कि छैन ?
    छ नि, नेपालको धनगढीमा भएको कार्यक्रममा र सिंगापुरमा मलाई यस्तो स्थिति भएको छ । अडियन्समा रहेका एक व्यक्तिलाई देखाएर यो मान्छे मन प¥यो भनेर दोहोरी गाएकी थिएँ । कार्यक्रमपछि उहाँ त सिरियस भएर गेटमा कुरेर बस्नु भएको रहेछ । जुन परिस्थितिले मलाई असहज भएको थियो । उहाँलाई सम्झाउन निकै गा¥हो भएको थियो । यो मेरो लागि अविष्मरणीय क्षण पनि हो ।
    विदेशका कार्यक्रमहरुमा जाने कलाकारको पक्तिंमा धेरै नै पर्नुहुन्छ ? के कारणले आयोजकको रोजाईमा पर्नुहुन्छ ?
    पहिलो कुरा एक व्यक्ति दुई काम भएकाले पनि म रोजाइमा पर्ने गरेकी हुँला भन्ने मलाई लाग्छ । कार्यक्रम सन्चालन सहित गीत गाउँछु । दोहोरी, लोक पप, आधुनिक गीत गाउन सक्छु । अर्को कुरा म पोजेटिभ थिंकको कलाकार हुँ । सरल छु, आयोजकसँग सहज भइदिन्छु । त्यसैले रोजाइमा पर्दै आएकी छु । एकपटक बोलाउनु भएको आयोजकले प्राय रिपिट गर्नुभएको छ मलाई । यो छोटो सांगीतिक करियरको अवधिमा १६ वटा भन्दा बढी देश पुगिसकेकी छु ।
    गीत गाएर बाँच्ने स्थिति छ त ?
    आर्थिक हिसाबले चुनौती छ । अहिले अडियन्सले गुड सिंगर सँगै गुड पर्फर चाहन्छ । त्यसैले पफर्मेन्स राम्रो हुने कलाकारलाई बाँच्न कठिन छैन । तर स्टुडियोमा मात्र गाउने कलाकारलाई गाह्रो छ ।
    यो ठाउँसम्म आइपुग्दा कत्तिको संघर्ष गर्नुप¥यो ?
    संघर्ष गरेरै यहाँसम्म आएकी हुँ । कुनै पनि सफलता पाउनको लागि मेहनत गर्न पर्छ नै । अझै पनि म स्ट्रगलकै पिरेडमा छु । स्थापित हुनका लागि निरन्तर आफ्नो कार्यक्रमा लगनशील भएर लागिरहेको छु । तर म लक्की कलाकारको पक्तिंमामा पर्छु, मैले जे गर्छु त्यो कुरालाई मेरा दर्शक श्रोताले स्किारिदिनुहुन्छ ।
    यस्तै सफलता र चर्चा पाइएला भनेर सोच्नु भएको थियो ?
    गायन क्षेत्रमा बिल्कुलै चर्चा र सफलता सोचेकी थिइनँ । केहि अंश उद्घोषणका लागि ठिक छु जस्तो लागेको हो । एकसे एक राम्रा स्वर भएका गायिकाहरुको भिडमा मैंले कुनै अपेक्षा बिना नै रहरै रहरमा गीत गाउन थालें । यदि मेरा गीतहरु नचलेका भए पनि मलाई गाह्रो हुने थिएन ।
    अहिले बजारमा जस्ता पनि गीतसंगीत आइरहेको छ नि, यसलाई कसरी लिनुहुन्छ ?
    यो पनि एउटा विकास हो । गीतसंगीतको निर्माणमा प्रविधिको विकासलाई सदुपयोग गरेर नयाँ नयाँ गीतसंगीत निर्माण भइरहेका छन् । तर हामीले गीत संगीत बजारमा ल्याउँदा कि लोकप्रिय बन्नुप¥यो कि भने मौलिकतालाई प्रमुखतामा राख्नुप¥यो । विकाससँगै विसंगति आउनु भनेको सामान्य हो । तर यहाँ एकथरी कलाकार यस्ता छन् कला र गला भन्दा पनि उनीहरु पैसाको भरमा चर्चा कमाउन खोजेका हुन्छन् । पैसाकै भरमा गीत सबै मिडियामा बजाइरहने र मेरो गीत एक नम्बर छ भन्ने, न्यु हट सङ भन्दै युट्युवमा हाल्ने । व्यक्ति व्यक्तिको नाममा युट्युव च्यानल हुनु र आफ्नो युटुयुवमा भिवर्स बढाउनकै लागि ग्ल्यामर र भल्गर किसिमका फोटो राखेर उस्तै उत्तेजक हेडिङ राखेर युट्युवमा गीत राखिएको हुन्छ । यो सबै नेपाली गीत संगीतभित्रका विकृती हुन् ।

    manju_poudel
    यस्तो विकृति रोक्न के गर्नुपर्ला ?
    गीतसंगीतमा सफल हुनलाई भनेको कला र गला कै आवश्यकता हुन्छ । मलाई त गीतसंगीतमा पनि सेन्सर बोर्ड भइदिए हुन्थ्यो जस्तो लाग्छ । सर्जक आफैंले गीतसंगीतको क्राइट एरिया के कति हो, त्यो अनुसार पाइला चाल्नुपर्छ । हरेक व्यक्ति व्यक्ति सचेत हुनुपर्छ । २ दिन बजार पिट्ने गीतले, मेरो जीवन कट्दैन भन्ने बुझ्नु पर्छ । फेरि बिकृती रोक्नलाई मिडियाको पनि रोल हुन्छ, त्यसता सिर्जनालाई मिडियामा ठाउँ दिइएन भने पनि विकृति रोक्नलाई सजिलो हुनेछ ।
    तपाईंको चाहिं युट्युव च्यानल छैन र ?
    अहिले प्रविधिको जमानामा, व्यक्ति व्यक्तिको नाममा युट्युव छन् भने म पनि एक संघर्षशिल गायिका हुँ । मेरो पनि बि.एम.एस. फिल्मस् नामको युट्युव च्यानल छ । जसमा मैंले भिवर्स बढाउनकै लागि गलत प्रक्रिया अपनाएकी छैन । मेरा फ्यानहरुले बि.एम.एस. फिल्मस् खोलेर मेरा गीतहरु सुन्न र हेर्न सक्नुहुनेछ ।
    प्रस्तुतिः सविता पोखरेल

    Facebook comments

    Social Media

    उत्पादक समाजमा उतपादकहरु हारेका छन जित्ने अनुहारहरु हेर्नुस् खेतालाले रोयल्टी ब्यबस्थापन कसरी गरलान???

    साफ फुटबल भारतमा हुदैछ। यदि भारतले नाकाबन्दी खोल्दैन भने नेपालले साफगेम बहिष्कार गर्न सक्नुपर्थ्यो अनिमात्र बिषयले अन्तराष्ट्रीय ठाउ पाउथ्यो

    बुद्धी छ भने जनजाती भन्ने ले कङ्रेस छोडे हुन्छ !! त्यो बाहुन महाजनहरु को पार्टी हो !! कुल बहादुर गुरुङ को जीवनभर को त्याग र समर्पण लाई कती गम्भिर प्रकार ले अपमान गर्‍यो !! थुक्क बाहुन, हार्ने चुनाव अस्ती को प्रधानमन्त्री उठे जसरी आँफै किन नउठेको ?? पुरानो काङ्रेस प्रेमले होला आज निन्द्रा परेन !!

    साथीहरु नमस्ते !संसार बदल्नु छ सुरुवात आफैबाट गर्नु छ !! म एक आम नेपाली !! तेसपछी मात्रै कलाकार

    हामी नेपालीको दसैं पो सकियो , दसा त उस्तै छ व्यथा उस्तै छ। ईन्धन आपूर्ति भन्दा राष्ट्रपति उपराष्ट्रपति को दौड़ प्यारो भएपछि यस्तै हो