कलाकार सङ्घको २९ औं स्थापना दिवस

    [likebtn]

    २५ भाद्र २०७४, काठमाडौं । नेपाल चलचित्र कलाकार सङ्घले २९ औं स्थापना दिवस कार्यक्रम सम्पन्न गरेको छ । अनामनगरस्थित कार्यालयमा एक कार्यक्रमको आयोजना गरी २९ औं स्थापना दिवस कार्यक्रम सम्पन्न गरेको हो । यस अवसरमा वृहत कार्यक्रम गर्ने योजना भए पनि स्थापना दिवसको पूर्व सन्ध्यामा ग्लोबल नेपाली फिल्म अवार्डमा सहभागिताका लागि सङ्घका अध्यक्ष रामकेशर बोगटी अमेरिका जानुपरेकोले ठूलो आयोजना गर्न नसकिएको कुरा जानकारी गराइएको थियो । हरेक बर्षको भाद्र २३ मा सङ्घले विविध कार्यक्रमहरुका साथ स्थापना दिवस मनाउँदै आएको थियो ।


    सङ्घका पूर्व अध्यक्ष तथा सल्लाहकार कृष्ण मल्लले सङ्घकी संस्थापक अध्यक्ष स्व। शान्ति मास्केको तस्बिरमा माल्यार्पण गरी कार्यक्रमको औपचारिक आरम्भ गरेका थिए ।
    ०४५ सालमा भुइँचालो गएर खासगरी नेपालको पूर्र्वी क्षेत्रमा धनजनको ठूलो क्षति भएको थियो । त्यो बेला राहत सङ्कलन र वितरणका लागि हाम्रो संस्था अभियानको अफिसमा केही कलाकारहरु भेला भएर छलफल ग¥यौं । त्यो संगठित समूहले राहत सङ्कलन र वितरणमा धेरै ठूलो उपलव्धी हासिल गरेपछि हामीमा एक प्रकारको उत्साह जाग्यो । हामीले संगठनको आवश्यकता महसुस ग¥यौं र ०४५ साल भाद्र २३ गते संस्थाको स्थापना गरियो, पूर्व अध्यक्ष मल्लले भने । कलाकारहरुले राजनीतिक ध्रुविकरण भन्दा अलग रही सानातिना वैमनष्य त्यागेर पेशागत हितका लागि एक हुनुको विकल्प नरहेको बताउँदै मल्लले अवार्ड जसले र जहाँ गरे पनि यसले चलचित्र क्षेत्रको विस्तारका लागि ठूलो भूमिका निभाउने बताए । यसैगरी कार्यक्रममा सङ्घका पूर्व अध्यक्ष नवल खड्काले आफ्नो कार्यकालमा भएका र हुँदै गरेका कामहरु के भईरहेको छ ? भनि राखेको जिज्ञाशामा वर्तमान अध्यक्ष रामकेशर बोगटीले जवाफ दिएका थिए ।

    हालै अमेरिकामा सम्पन्न ग्लोबल नेपाली फिल्म अवार्ड समारोहमा छक्का पन्जा चलचित्र समूह र कलाकार सङ्घका लागि स्थानीय चलचित्र कलाकार सङ्घ च्याप्टरको सहकार्यमा बाढी पीडितहरुको सहयोगार्थ सङ्कलित रकमको बारेमा समेत कार्यक्रममा जानकारी गराईएको थियो । प्राप्त जानकारी अनुसार त्यहाँ ५ हजार ४ सय डलर सङ्कलन भएकोमा नेपाली रुपैया २ लाख ४० हजार कलाकार सङ्घ मार्फत राहत वितरण गरिने र बाँकी रकम छक्का पन्जा समूहलाई हस्तान्तरण गरिने भएको छ । सो स्थापना दिवस कार्यक्रममा सङ्घका पूर्व अध्यक्षहरु, वर्तमान कार्यसमितिका पदाधिकारीहरु लगायत केही पत्रकारहरुको उपस्थिति रहेको थियो ।

    Facebook comments

    Social Media

    उत्पादक समाजमा उतपादकहरु हारेका छन जित्ने अनुहारहरु हेर्नुस् खेतालाले रोयल्टी ब्यबस्थापन कसरी गरलान???

    साफ फुटबल भारतमा हुदैछ। यदि भारतले नाकाबन्दी खोल्दैन भने नेपालले साफगेम बहिष्कार गर्न सक्नुपर्थ्यो अनिमात्र बिषयले अन्तराष्ट्रीय ठाउ पाउथ्यो

    बुद्धी छ भने जनजाती भन्ने ले कङ्रेस छोडे हुन्छ !! त्यो बाहुन महाजनहरु को पार्टी हो !! कुल बहादुर गुरुङ को जीवनभर को त्याग र समर्पण लाई कती गम्भिर प्रकार ले अपमान गर्‍यो !! थुक्क बाहुन, हार्ने चुनाव अस्ती को प्रधानमन्त्री उठे जसरी आँफै किन नउठेको ?? पुरानो काङ्रेस प्रेमले होला आज निन्द्रा परेन !!

    साथीहरु नमस्ते !संसार बदल्नु छ सुरुवात आफैबाट गर्नु छ !! म एक आम नेपाली !! तेसपछी मात्रै कलाकार

    हामी नेपालीको दसैं पो सकियो , दसा त उस्तै छ व्यथा उस्तै छ। ईन्धन आपूर्ति भन्दा राष्ट्रपति उपराष्ट्रपति को दौड़ प्यारो भएपछि यस्तै हो