यही श्रावण २९ गते पोखरामा हुन गईरहेको ’आठौं डि सिने अवार्ड २०७३’ को उत्कृष्ट ५ को मनोनयन सार्वजनिक गरिएको छ । छाँयाछवी क्रियशनले विगत आठ वर्षदेखि आयोजना गर्दै आएको डी सिने अवार्ड २०७३ को आज पत्रकार सम्मेलन गरी उत्कृष्ट ५ को मनोनयन सार्वजनिक गरिएको हो ।

पहिलोपटक राजधानी बाहिर मोफसलको शहरमा गरिन लागेको यस अवार्डको तयारी भव्य रुपमा भइरहेको कार्यक्रमका अध्यक्ष शान्तिप्रयले बताएका छन् । विगतका वर्षहरुमा राजधानी केन्द्रित मात्रै रहने यस्ता अवार्ड कार्यक्रहरु मोफसलका शहरहरुमा पनि हुनु पर्ने आवश्यकता महसुस गरिएकाले यस वर्षवाट चलचित्र क्षेत्रको हव स्टेशन पोखरामा गर्न लागिएको कार्यक्रमका अध्यक्ष शान्तिप्रियले बताए ।

त्यसै गरी कार्यक्रमकका निर्देशक प्रदिप उदयले कार्यक्रमलाई सफल बनाउनको लागि आयोजक कमीटि लागिपरेको बताएका छन् । यस प्रकारका अवार्डहरुले नेपाली चलचित्र क्षेत्रको विस्तारको लागि पनि उल्लेखनिय भूमिका खेल्नेमा आफु विश्वस्त रहेको बताए ।

पोखरामा सम्पन्न हुने आठौं डि सिने अवार्ड कार्यक्रमा नेपालका चर्चित नायिक–नायिकाहरु, गायक– गायिकाहरु तथा थुप्रै सेलिव्रेटीहरुको सहभागिता रहने बताईएको छ । पोखरामा आयोजना हुन लागेको यस अवार्डलाई भव्य सभ्य रुपमा सफल बनाउँदै सांस्कृतिक पर्यटनलाई उच्च राख्दै चलचित्र उद्योगमा नयाँ डिजिटल अवार्डले नयाँ उचाइ कायम गर्ने अवार्डका स्थानिय संयोजक सोभित वत्स्यालले बताए । अवार्ड पोखराको ग्रान्ड होटलमा सम्पन्न हुन लागेको हो ।