जून अर्थात् चन्द्रमा लागेको बेला पनि अँध्यारो देख्ने गरेका छन् चन्द्रले । उनको नाम आफैंमा उज्यालो छ तर उनले संसार अँध्यारो देख्न थालेको धेरै भइसक्यो । मंसिरको लगनको महिना गएपछि मिनालाई आश मरेजस्तै जो भनेर आको उसैले वास्ता नगरेपछि चन्द्रलाई पनि अँध्यारो लाग्न थालेको रे । आफ्नै नामका लागि पनि त्यो अँध्यारो नदेखे हुन्थ्यो क्यारे । मायाप्रेमको गहिराइमा डुबेका प्राय मान्छेहरु दिनलाई नै अँध्यारो देख्छन् रे तर चन्द्रले चाहिँ चन्द्रमा लागेकै बेलामा अँध्यारो नदेखे नाम नै काफी हुन्थ्यो कि !

गीतकार रमेश बिजीको शब्द तथा लयमा सजिएको गीत चम चम चम्कने तारा झल झल झल्कने सितारा बोलको गीतमा लोक तथा दोहोरी गीत प्रतिष्ठान नेपालका अध्यक्षसमेत रहेका गायक चन्द्र शर्मा र मिना लामाको स्वर रहेको छ । गाउँको रोदीलाई बिर्साउने, गाउँका यादहरुलाई बिर्साउने खालको मौलिकता बोकेको गीत बनेको छ चमचम चम्कने तारा । गाउँकै परिवेशमा म्यूजिक भिडियो पनि तयार पारिएको छ । मिना लामा र चन्द्र शर्माको स्वरलाई शंकर बिसीले भिडियोमा पनि मौलिकता पस्केका छन् । बिसीको निर्देशनमा मिना लामा र बिसी स्वयम्को अभिनय रहेको छ । पछिल्लो समय मौलिकता हराइरहेको लोकसंगीतमा चन्द्रको गीतले पक्कै पनि मौलिकताको आगमनमा सहयोग पु¥याउँछ कि भन्ने आश जागेको छ ।