काठमाडौैं । नेपाल सरकार, युवा तथा खेलकूद मन्त्रालय, राष्ट्रिय युवा परिषद् सानोठिमी भक्तपुरको आयोजना र मिसन सञ्चार मल्टिमिडीया प्रा.लि. काठमाण्डौँको सह–आयोजनामा भएको ‘राष्ट्रिय युवा गायन प्रतियो मकवानपुरका दिपकराज कालीराज प्रथम भएका छन् । त्यस्तै धनुषाका राजा राजपुत द्वितिय र रुपन्देहिका सुरज खातीले तृतिय स्थान हाँसिल गर्न सफल भएका छन् ।
यस गायन रियालीटी सोमा १६ वर्ष कटेका ४० वर्ष ननाघेका देशै भरिबाट आधुनिक, लोक र पप विद्यामा अभिरुची राख्ने ६५ जना युवाहरुले आफूले गाएर भिडियो पठाएका थिए । उक्त डिजिटल अडिसनमा सहभागी प्रतिष्पर्धी मध्येबाट २१ जना युवा प्रतिभाहरुलाई छनौट गरि फिजिकल अडिसन अर्थात फिजिकल प्रतिष्पर्धाका लागि राजधानी काठमाडौँ बोलाइएको थियो । सोहि २१ जना प्रतिष्पर्धी मध्येबाट टप ९, टप ९ प्रतिष्पर्धीबाट टप ६, टप ६ प्रतिष्पर्धी मध्येबाट टप ३ छनौट गरि पुनः टप ३ प्रतिष्पर्धी बीच कडा प्रतिष्पर्धा गराई प्रथम, द्वितिय र तृतिय बिजेता घोषणा गरिएको थियो ।

उक्त राष्ट्रिय युवा गायन प्रतियोगितामा संगीतकार वी.पी. वाग्ले, लोक गायीका देवी घर्ती मगर र गायक भद्र वलीले निर्णायकको भूमिका निभाएका थिए । डिजिटल राउन्डमा भने यी संगीतकार वाग्ले, गायिका घर्ती र गायक वलीसँगै गायिका सन्जु न्यौपाने लगायतका निर्णायकमा रहेकी थिइन् । विजेताहरुलाई एक एक नयाँ गीत रेकर्डसमेत गराइनेछ । उक्त रेकर्ड गरिने नयाँ गीतको शब्द रचनाका लागि गीतकार बी.पाण्डे, सुमन बैरागी र गणेश सुवेदीलाई साथै संगीत भर्नकालागि संगीतकार वि.पी. वाग्लेलाई जिम्मेवारी दिइएको थियो । कार्यक्रमको अध्यक्षता मिसन सञ्चार मल्टिमिडिया ग्रुपकी अध्यक्ष पार्वती चापागाईंले गरेकी थिइन् । संचालन वरिष्ठ संचारकर्मी हेम सुवेदीले गरेका थिए भने कार्यक्रमको प्रमुखको रुपमा रोशन सुवेदीले भूमिका निभाएका थिए ।
नेपाल पर्यटन बोर्डको हलमा संचालीत उक्त राष्ट्रिय युवा गायन प्रतियोगिताको समापन समारेहको अवसरमा राष्ट्रिय युवा परिषद्का कार्यकारी उपाध्यक्ष सुरेन्द्र बस्नेतको अतित्थ्यतामा विगत लामो समय देखि पत्रकारिता क्षेत्रमा योगदान दिएका पत्रकारहरुमध्ये फोटो पत्रकारितातर्फ कान्तिपुरकर्मी प्रकाशचन्द्र तिमिल्सिना, पर्यटन तर्फ रा.स.स. कर्मी सि.बी. अधिकारी, कला साहित्य तर्फ गोरखापत्रकर्मी सुकृत नेपाल, चलचित्र अनलाइन पत्रकारिता तर्फ नवीन गीरी, देशप्रेम सप्ताहिककर्मी तारा सुवेदी, आलोचना साप्ताहिककर्मी गंगा वराल र स्पेश फोरके कर्मी विनिता कुँवर क्षेत्रीलाई कदर पत्र प्रदान गरिएको थियो ।

कला, साहित्य संगीत तथा सामाजिक क्षेत्रका उच्च व्यक्तित्वहरुको बाक्लो उपस्थितिमा नेपाल सरकार, युवा तथा खेलकूद मन्त्रालय, राष्ट्रिय युवा परिषद सानोठिमी भक्तपुरका प्रतिनिधिहरु सहित कार्यकारी उपाध्यक्ष सुरेन्द्र वस्नेतले उक्त राष्ट्रिय युवा गायन प्रतियोगिताको बिजेता दिपकराज कालीराजलाई बिजेताको ट्रफी, प्रमाणपत्र हस्तान्तरण गर्दै “युवा लक्षित यस्ता सृजनात्मक प्रतिस्पर्धाले देशका कुना कन्दरामा लुकेर रहेका प्रतिभाशाली युवाहरुलाई आफ्नो प्रतिभा देखाउने र यस्तो प्लेटफर्म मार्फत अगाडि बढन सहज हुने” भन्दै युवाहरुलाई अभिप्रेरित गरेका थिए । यसैगरि सह–आयोजक मिसन सञ्चार मल्टिमीडिया ग्रुपकी अध्यक्ष पार्वती चापागाईद्वारा बिजेताहरुलाई नयाँ गीत रेकर्डिङको लागि सम्झौता पत्र प्रदान गरिएको थियो । साथै समाजसेवी तथा सल्लाहकार गेहेन्द्र प्रसाद ढकाल तथा कार्यक्रमका निर्देशक दियोजित वली, क्रियटीभ निर्देशक मोनिका सुवेदी, सह निर्देशक शितल वाग्ले र सह क्रियटीभ निर्देशक गणेश पोखरेलले कार्यक्रम सफल बनाउन अग्रणी भूमिका निर्वाह गरेका थिए ।