काठमाडौं । गायक तथा संगीत संयोजक मदन केसी र प्लानेट मिस इन्डिया वल्र्ड नव्यश्री वैवाहिक बन्धनमा बाँधिएका छन् । उनीहरुको गत असार २७ गते विवाह सम्पन्न भएको हो । हिन्दू परम्पराअनुसार वैवाहिक जीवनमा बाँधिएका मदन केसी गायनका अलावा संगीत संयोजन पेशामा आबद्ध छन् । संगीत क्षेत्रमा लामो समयदेखि क्रियाशील रहँदै आएका मदनको परिवार नै गीतसंगीत क्षेत्रमा क्रियाशील रहँदै आएका छन् ।

बागलुङमा जन्मिएका केसीका दाजु कृष्ण केसी चल्तीका संगीत संयोजक, गायक एवं संगीतकार हुन् भने दिदी सीता केसी चर्चित गायिका हुन् ।
त्यस्तै नव्यश्री सानै उमेरदेखि मोडलिङ पेशामा आबद्ध रहँदै आएकी छन् । १४ वर्षको उमेरदेखि अभिनय गर्दै आएकी नव्यश्री १५ वर्षमा प्लानेट मिस इन्डिया वल्र्ड २०१८, मिस टिन रिपब्लिक अफ इन्डिया २०१८, मिस नर्थइस्ट २०१८, सोसल मिडिया स्टार भइसकेकी छन् । अभिनेत्री नव्य श्रीले उत्तर बंगाल सिनेमामा काम गर्दै आएकी छन् । उत्कृष्ट मोडलको अवार्डसेत प्राप्त गरिसकेकी नव्यश्रीले नर्थ बंगाल ब्यूटी क्वीन अवार्डसमेत प्राप्त गरेकी छन् ।

२१ वर्षकी नव्य श्रीको तस्वीर रीदेवी दिव्या भारती जस्तो लुक्सका लागि चर्चित बनेको थियो । पिता स्व. बलबहादुर थापा, आमा तुलशा थापाको सन्तानको रुपमा कोलकातामा जन्मेकी नव्यश्रीको वास्तविक नाम भने मन्जु थापा हो । उनी दार्जिलिङ सिलगढीकी स्थायी बासिन्दा हुन् । नव्यश्रीले नेपालका चर्चित मोडल दुर्गेश थापा र लोमश शर्मासँग पनि म्यूजिक भिडियो र चलचित्रमा अभिनय गरिसकेकी छन् ।