काठमाडौं । गायिका साहिमा श्रेष्ठको दिलभित्र यतिखेर पत्रकार विजय आवाज देखिएका छन् । सुन्दरी गायिकाको दिलमा एउटा सुन्दर पत्रकारको झुकाव हुनु स्वभाविमकै मान्नुप¥यो । तर विजय वास्तविक दिलमा बस्न सकेका छन् की छैनन् त्यो भने थाहा छैन । गायिका सहिमा श्रेष्ठको तेश्रो एल्बम ‘सहिमाको श्रृङ्गार’मा समावेश ‘बार बार जसले दिलमा’ बोलको गीतको भिडियो छायांकन गरिएको छ । केही अंश सिंगापुरमा छायांकन गरिएको भिडियोको बाँकी अंश ललितपुरको धापाखेलमा छायांकन गरिएको हो ।

यही गीतको भिडियोबाट रंग पत्रकार विजय सुवेदी ‘आवाज’ ले भिडियो मोडलिङमा डेब्यू गरेका छन् । उनीसँगै भिडियोमा गायिका सहिमा श्रेष्ठलाई देख्न सकिनेछ ।
भिडियोको निर्देशन समन अधिकारीले गरेका हुन् । शिवराम श्रेष्ठले छायांकन गरेको भिडियोले प्रेमको नाटक गरि यूवती फसाउने एक यूवतकको कथा भन्छ । भिडियोमा मोडल सहिमा श्रेष्ठ विजयको झुटो प्रेममा परेको देखाइएको छ । भिडियो चाडै नै बजारमा आउने निर्देशक समन अधिकारीले बताए । लोकेशन राम्रो भएकाले पनि भिडियो उत्कृष्ट बनेको उनको दाबी छ ।