अशोक दर्जीको घरमा ४३ इन्चको टिभी, सोफासेट, डाइनिङ टेबल, दराज, पलङ, लगायतका बहुमुल्य फर्निचरहरु !
म्यूजिक खबर
प्रकाशित: ५ भाद्र २०७५, मंगलवार
प्रकाशित: ५ भाद्र २०७५, मंगलवार
भाद्र ५, काठमाडौं । सानो उमेरमा गायनमा अद्भुत क्षमता भएका कारण छोटो समयमा चर्चित बनेका बाल गायक अशोक दर्जी र उनको परिवारको नै भाग्य फेरिएको छ । बाटोमा, होटलमा गीत गाउँदा उठेको थोरै रकमले परिवारकै गुजारा गर्ने टिठ लाग्दो टहरोमा बस्दै आएका दर्जी परिवार हिजोबाट सुविधायुक्त पक्की घरमा बस्न थालेको छ ।
केही महिनासम्म सडकमा गीत गाएर पैसा माग्दै हिँड्ने बालक अशोक दर्जी र उनको परिवारको भाग्य फेरिएको छ । टहरोमा बस्दै आएको उनको परिवार हिजोबाट सुविधायुक्त नयाँ पक्की घरमा सरेको छ ।
संगीतकार टंक बुढाथोकीको पहलमा अशोकको परिवारका लागि पक्की घर निर्माण गरिएको हो । सोमबार दमकमा एक समारोह आयोजना गरी घर हस्तान्तरण गरिएको थियो । हाँस्यव्यंग्य कलाकार हरिवंश आचार्यको हातबाट अशोकका बाबुआमालाई साँचो हस्तान्तरण गरियो । उनीहरु हिजैबाट नयाँ घरमा बस्न थालिसकेका छन् ।
घर मात्र नभएर घरभित्रका सम्पूर्ण फर्निचरहरुको पनि व्यवस्था गरिदिएको बुढाथोकीले बताए । उनका अनुसार घरमा ४३ इन्चको टिभी राखिएको छ । यसैगरी होम थिएटर पनि बनाइएको छ । सोफासेट, डाइनिङ टेबल, दराज, टि९टेबल, पलङ, डाइनिङ टेबल लगायतका फर्निचरहरु पनि छन् । किचेनमा पनि फ्रिज, राइस कुकर, प्रेसर कुकरदेखि झर्काको थालसम्म खरिद गरेर दिइएको छ ।
चार कोठाको घर निर्माण र फर्निचर तथा अन्य सामग्रीका लागि करिब २५ लाख खर्च भएको बुढाथोकीले जानकारी दिए । माथि तीन तल्लासम्म उठाउन सकिने गरी बनाइएको उनको भनाई छ ।
‘यो गाउँमा सबैभन्दा राम्रो घर नै यही हो,’ बुढाथोकीले सुनाए ।
घर निर्माणका लागि दाताहरुबाट २१ लाख रुपैयाँ जुटेको उनले जानकारी दिएका छन् । यसैगरी यूट्यूवमा पोष्ट भएका अशोकको भिडियोबाट ४ लाख रुपैयाँ आम्दानी भएको छ । घर हस्तान्तरण गरिसकेर अशोकको खातामा १९२ लाख वचत हुन सक्ने बुढाथोकी बताउँछन् ।
हरिवंशले अशोकको घरमा पुगेर ढोकाको ताल्चा खोलेका थिए । उनले यस कार्यका लागि टंक बुढाथोकी र डिजे रुपकलाई धन्यवाद दिएका छन् । घर हस्तान्तरणपछि अशोकलाई गाडमिा राखेर परिक्रममा समेत गराइयो ।
फेसबुक प्रतिक्रिया
सम्बन्धित शीर्षकहरु
