काठमाडौं । गायक गोविन्द मधुर आचार्य र गायिका शान्तिश्री परियारको स्वरमा रहेको गीत ‘निरिमायाको’ सार्वजनिक भएको छ । गीतकार किस्ना आचार्य रोशनीको शब्द सिर्जनामा रहेको यस गीत यतिबेला डिजिटल प्लेटर्फममा चर्चा बटुल्दै छ । गीतमा संगीतकार तथा गायक ऋषि खड्काले संगीत भरेका छन् । गीतकार किस्ना आचार्य रोशनीले ‘निरिमायाको’ गीतमा मायाप्रेमभित्र वियोगान्त भावलाई समेट्न सफल भएकी छन् । आचार्यका तिम्रो याद, बासना, थाहा पायौ कि पाइनौ, तेलको पैंचो पानीले लगायत दर्जनभन्दा बढी गीतहरु रहेका छन् ।

‘निरिमायाको’ गीतमा मोडल विमल अधिकारी र साया भण्डारीको अभिनय रहेको छ । मौसम हिमालीको कोरियोग्राफी तथा निर्देशन रहेको यो गीतको भिडियोलाई राजेश घिमिरेले छायाँकन गरेका छन् । ‘निरिमायाको’ भिडियोलाई विकास ज्ञवालीले सम्पादन गरेका छन् । उक्त गीत तपस्या इन्टरटेनमेन्ट युटुब च्यानलबाट सार्वजनिक गरिएको हो ।