काठमाडौं । साहित्यिक पत्रकार संघले नेपाल पत्रकार महासंघको नवनिर्वाचित अध्यक्ष पत्रकार निर्मला शर्मालाई बधाई एंव सम्मान समर्पण कार्यक्रमको आयोजना गर्‍यो ।
तपस होटल, बत्तिसपुतली, काठमाडौंमा आयोजना गरिएको सो कार्यक्रममा अध्यक्ष शर्मालाई कार्यक्रमका प्रमुख अतिथि पूर्व मन्त्री माननीय पशुपति शमशेर जबरा र कार्यक्रमका सभापति साहित्यिक पत्रकार संघका अध्यक्ष राधेश्याम लेकालीले सम्मानपत्रसहित सम्मान गर्नु भएको थियो ।
सोही कार्यक्रममा एस एस फाउन्डेसनका अध्यक्ष वरिष्ठ कलाकार मदनदास श्रेष्ठ र प्रमुख संरक्षक गीतकार एवं समाजसेवी शोभित उप्रेतीले बधाईपत्रसहित अध्यक्ष शर्मालाई सम्मान गर्नु भएको थियो ।
कार्यक्रममा प्रमुख अतिथि पूर्व मन्त्री माननीय पशुपति शमशेर जबरा, साहित्यिक पत्रकार संघका अध्यक्ष राधेश्याम लेकाली, नेपाल पत्रकार महासंघकी नवनिर्वाचित अध्यक्ष निर्मला शर्मा, एस एस फाउन्डेसनका अध्यक्ष वरिष्ठ कलाकार मदनदास श्रेष्ठ र पत्रकार मनुका कुँवरले आआफ्नो मन्तव्य राख्नु भएको थियो ।
कार्यक्रमको सहजीकरण पत्रकार गोकर्ण भण्डारीले गर्नु भएको थियो । कार्यक्रममा पत्रकार, साहित्यकार, सङ्गीतकार र विभिन्न संस्थाका प्रतिनिधिहरुको उपस्तिथि रहेको थियो ।