काठमाडौं । प्रतिष्ठित गीतकार एवं गजलकार डा.कृष्णहरि बरालको शब्द रचनामा आएको पछिल्लो गीत ‘कुनै दिन त’ सार्वजनिक भएको छ । गीतलाई संगीतकार गैरे सुरेशले संगीत दिएका छन् । ‘कुनै दिन त’ गीतमा गायक नारायण थापाले स्वर दिएका छन् । गीतको संगीत संयोजन महाराज थापाको रहेको छ भने किशोर थापाले मिक्सिङ मास्टरिङ गरेका छन् ।
‘कुनै दिन त’ गीतको म्यूजिक भिडियोलाई आभूषण इन्टरटेनमेन्ट यूट्यूब च्यानलबाट सार्वजनिक भएको छ । भिडियोमा कमल सिंह, सुस्मिता, जीवन आचार्य लगायतले अभिनय गरेका छन् । बुद्ध थापाको छायाँकन गरेको गीतको भिडियोलार्य विकास दाहालले सम्पादन गरेका छन् । भिडियोको निर्देशन भने प्रकाश धितालले गरेका छन् । गायक नारायण थापा विगत एकदशकदेखि निरन्तर संगीत कर्ममा सक्रिय रहँदै आएका छन् ।