काठमाडौं । बलिउडको फिल्मी नगरी भनेर प्रसिद्धि कमाएको मुम्बई शहरमा नेपालका चर्चित निर्देशक प्रकाश भट्ट बलिउडका कलाकारहरुसँग सहकार्य गर्दैछन् । भारतका चर्चित कलाकारहरु र प्राविधिकहरुसँग सहकार्य गर्नका लागि उनी मुम्बइ पुगेका हुन् । मुम्बईमा मशकविन स्टुडियोका लागि ‘मेरी घरवाली’ गीतको म्यूजिक भिडियोको निर्माण पनि भइरहेको छ । कलाकारिता क्षेत्रमा लागेको २५ वर्षको अनुभवलाई लिएर बलिउडमा सहकार्य गर्न पाएकोमा आगामी दिनमा काम गर्न अझै सहज हुने निर्देशक भट्टले बताए ।

बलिउडका स्थापित कलाकार अभिनयकी महारानी हिमानी शिवपुरी, करण शर्मा, श्वेता महरा जस्ता कलाकारहरुसँग निर्देशक भट्टले सहकार्य गरेका छन् । चर्चित अभिनेता साहरुख खानसँग काम गरिरहेका कलाकारहरुको साथमा सहकार्य गर्न पाउँदा उनी खुशी छन् । त्यस्तै बलिउडमा खारिएका प्राविधिकहरुसँग सहकार्य नयाँ अनुभव बुटल्ने मौका पाएको बताए । उनीहरुको सहकार्यले गर्दा नयाँ अनुभव र उर्जा मिलेको छ, निर्देशक भट्टले बताए ।