काठमाडौं । सिन्धुपाल्चोकको ऐंसेलुखर्कमा गायिका सन्जु न्यौपानेको लाहुरसँगै दर्शकहरु झुमेका छन् । ऐंसेलुखर्क माध्यमिक विद्यालयको ७७ औं वार्षिकोत्सवको अवसरमा गायिका न्यौपानेले आफ्नो चर्चित गीत लाहुर प्रस्तुत गर्दा दर्शकहरु झुमेका थिए । उनी गाउँदै स्टेजबाट तल ओर्लिँदा दर्शकहरुको वाही वाही पाएकी थिइन् । उनको गीतमा उपस्थित विद्यार्थी, अभिभावक एवं अतिथिहरुले नाच्दै साथ दिएका थिए । उनले स्टेजमा चर्चित गीत लाहुरसँगै अन्य प्रस्तुतिहरु पनि दिएकी थिइन् । गायिका न्यौपानेका लाहुरसँगै चाँदी कहाँ होला, लामो कपाल, धुरुधुरु, दायबाया, गल्याङ बजार, जोमसोम बजार लगायतका गीतहरु लोकप्रिय बनेका छन् ।

ऐंसेलुखर्क माध्यमिक विद्यालयको ७७ औं वार्षिकोत्सव कार्यक्रममा गायिका सन्जु न्यौपाने सँगै सोही कार्यक्रममा गायक राजेश बर्देवा, गायिका रति खड्का, गायिका रिया खड्को पनि जोडदार प्रस्तुति रहेको थियो । कार्यक्रममा माननीय पूर्वमन्त्री युवराज दुलाल ‘शरद’को प्रमुख आतिथ्यता रहेको थियो ।