‘सुनको चन्द्रमा’ मा शंकरको निर्देशन, शिव र रचनाको स्वर
म्यूजिक खबर
प्रकाशित: ८ जेष्ठ २०७८, शनिबार
प्रकाशित: ८ जेष्ठ २०७८, शनिबार
काठमाडौं । गायक शिव परियार र रचना रिमालको स्वर रहेको गीत ‘सुनको चन्द्रमा’ को भिडियो सार्वजनिक भएको छ । दीपक शर्माको संगीत रहेको सार्वजनिक गीतमा कलाकार पुष्प आचार्यको शब्द रहेको छ । गीतमा ओम सुनारको एरेन्ज रहेको छ।
भिडियोमा शंकर बिसी, शोभित बस्नेत, उत्सव अधिकारी, दीपा–दमन्ता र डा. प्रतिक्षा पौडेलको अभिनय छ । भरतपुरको पटिहानीमा छायांकन गरिएको भिडियोमा पटिहानीको अम्रेला स्ट्रिट, राप्ती नदी, थारु संस्कृति, बोटे संस्कृति र हात्ती सफारीलाई देखाइएको छ ।
शंकर बिसीको निर्देशन तथा कोरियोग्राफी गरेको भिडियोमा दुर्गा पौडेलको छायांकन, नवीन घर्ती मगरको सम्पादन छ । भिडियो रवी एण्ड उषा मिडियाले निर्माण गरेको हो ।
महेश्वरमान राजभण्डारीको मिक्सिङ तथा मास्टरिङ रहेको सार्वजनिक गीत गायक शिवको अफिसियल युट्युब च्यानलबाट सार्वजनिक गरिएको छ ।
फेसबुक प्रतिक्रिया
सम्बन्धित शीर्षकहरु
ताजा अपडेट
