१७ चैत, काठमाडौं । आफ्नो पुरानो मायाको यादले सताएर हैरान भएका स्याङ्जाली र गोर्खालीको मायाप्रेम बाहिरिएको छ । मायाको यादमा हराएका गायक दिनेश क्षेत्री र गायिका सुमित्रा लामालाई यतिबेला गोर्खाली माया र स्याङजाली मायाको झल्को लागेको छ । जता गए पनि जे हेरे पनि मायाकै छायाँले होस हराएका यी दुई जनालाई यतिबेला गोर्खाली मायाको झल्को लागेको हो ।

माया प्रेमको गहिराईमा फसेकाहरुलाई केन्द्रित गर्दै गायक गणेश गुरुङले शब्द र लय सिर्जना गरेको गीत हो ‘शितल छायाँको’ । जसमा गायक दिनेश क्षेत्री र गायिका सुमित्रा लामाले स्वर दिएका छन् । राम्रो सम्भावना बोकेका यी दुई गायक गायिकाको स्वरमा रहेको यो गीतलाई हिम सम्झौता डिजिटलबाट बजारमा ल्याइएको हो । भिडियोलाई एकिन्द्र सारा शंकरले निर्देशन गरेका छन् भने करन चैंसिरको छायाँकन एवं विष्णु शर्माको सम्पादन रहेको छ । भिडियोमा रेनु पुनमगर र एकिन्द्र सारा शंकरको अभिनय रहेको छ ।