• इमोर्टल लिएर आए अमर

    म्यूजिक खवर
    प्रकाशित: १ श्रावण २०७२, शुक्रबार

    काठमाडौं । प्रवासमा रहेर गीतसंगीतको क्षेत्रमा क्रियाशील रहँदै आएका अमर राईले नयाँ गीतिसंग्रह ‘इमोर्टल’ बजार ल्याएका छन् । म्यूजिक खबर डटकमबाट औपचारिक रुपमा सार्वजनिक गर्दै राईले इमोर्टलको सार्वजनिक गरेका हुन् ।
    मलेसियामा रहेर नेपाली गीतसंगीतको क्षेत्रमा लागि पर्ने गायक अमर राईले इमोर्टल मार्फत् देशविदेशमा आफ्नो प्रतिभालाई प्रस्तुत गर्दैछन् । वैदेशिक रोजगारीको सिलसिलामा मलेसियामा कार्यरत रहेका अमर राई विगत लामोसमयदेखि गीतसंगीतमै क्रियाशील छन् । आफू प्रवासमा भए पनि मन त नेपाली गीतसंगीतमै डुलिरहेको छ, गायक राईले म्यूजिकखबरलाई बताए । म जहाँ रहुँ नेपालीपन, नेपाली गीतसंगीत सँगै रहनेछ राईले बताए ।

    immortal_amar rai
    इमोर्टलमा गायक राईको एकल स्वर रहेको छ भने एक गीतमा गायिका सुनिता पन्तले स्वरमा साथ दिएकी छिन् । इमोर्टलमा ओ प्रिय, आँखा तिम्रो, चन्चले नानीले, बोल्दिनौकी जस्तो, मेरो मन लगायतका पाँच गीत समावेश गरिएको छ । जसमा मनिपाल राई, निम संगीत र सुमन राईको संगीत रहेको छ भने रमेश बानियाँ, अनुराग श्रेष्ठ, दिक्पाल राई, इन्द्रसुर बेल्टारेको शब्दरचना रहेको छ । एल्बमभित्रका गीतमा निम संगीत, विपिन आचार्य र सुमन राईको एरेन्ज रहेको छ । एल्बमका पाँच गीत नै गायक राईले मलेसियाकै स्टुडियोमा स्वर रेकर्ड गराएका हुन् भने अन्य काम ड्रिम्स स्टुडियो र एमबी म्यूजिक रेकर्डिङमा गरिएको हो । गीतसंगीतलाई शुभकामना मिडिया सोलुशनले बजार प्रबद्र्धन गरेको हो ।

    Immortal Cover_final

    फेसबुक प्रतिक्रिया
    सम्बन्धित शीर्षकहरु