काठमाडौं– नयाँ तथा लुकेर बसेका प्रतिभाहरुलाई बाहिर उतार्ने उद्देश्यले आयोजना गरिएका गायन प्रतियोगिता ‘प्लेटफर्म’ कार्यक्रम सम्पन्न भएको छ । एम आर डिएफको आयोजनामा रहेको यस प्रतियोगिता कार्यक्रम शनिबार राजधानीको पुतलिसडकस्थित साधना कला केन्द्रमा सम्पन्न गरिएको हो ।

बरिस्ठ तथा सदाबहार गायिका ज्ञानु राणा, साधना कला केन्द्रका संचालक लगायतको प्रमुख आतिथ्यमा सम्पन्न भएको थियो । प्रतियोगितामा १२ जना प्रतियोगिहरु समावेश भएका थिए । कार्यक्रममा ओझेलमा परेका नवगायिकहरुले प्रश्तुती दिएका थिए ।

यस्ता कार्यक्रम अबका दिनहरुमा प्रत्यक महिनाको अन्तिम शनिबार आयोजना गरिने कार्यक्रम आयोजकका सदस्य गीतकार तथा निर्देशक शंकर अधिकारी ‘घायल’ले बताए । उनले भने, ‘एक महिना नवगायिकहरु र अर्को नवगायकहरुलाई पालै पालो समावेश गरिने छ ।

यस प्रतियोगितामा श्रेणी भने छुट्याईएको छैन । सबै प्रतियोगिहरु समान हुन् भन्ने हेतुले श्रेणी नछुट्याईएको हो । श्रेणी नछुट्याईए पनि सबै प्रतियोगीहरुलाई प्रमाण पत्र दिईएको थियो ।