काठमाडौं । गीतकार संघ नेपालले गीतकार श्रीपुरुष ढकाल र महेशचन्द्र आचार्यलाई एक कार्यक्रमको आयोजना गरी सम्मान गरेको छ । संघकै सभाहलमा बधाई तथा सम्मान कार्यक्रमको आयोजना गरी गीतकार ढकाल र आचार्यलाई सम्मान गरेको हो । संघका सदस्यसमेत रहेका ढकाल लोकसेवा आयोगको सदस्यमा चयन हुनुभएको र आचार्य रेडियो नेपालको ६५ औं वार्षिकोत्सवको अवसरमा आयोजित कार्यक्रममा आधुनिक गीत लेखनबाट प्रथम हुन सफल हुनुभएकोमा संघले बधाई तथा सम्मान गरेको हो । ढकाल र आचार्य संघका सदस्यसमेत हुन् ।
गीतकार संघका अध्यक्ष योगेन्द्रमणि दाहालको सभापतित्वमा भएको उक्त कार्यक्रममा वरिष्ठ गीतकार रत्नशमशेर थापा, किरण खरेल, चुडामणि देवेकाटालगायतका वरिष्ठ गीतकारहरुको आतिथ्यता रहेको थियो ।