माया भन्दै चिज्च्याउँदै कराउँदै
हाँस्दै छिन्मा रुँदै बरबराउँदै
पागलै बनौला मेरी मायालु
गल्लीमा हराउँदै बेस्सरी कराउँदै
तिम्रै नाम भनौंला मेरी मायालु

चर्चित गायिका मुना थापा र गायक विमल डाँगीको स्वरमा रहेको पागलै बनौंला मेरी मायालु युवा गीतकार गणेश चौलागाईंले लेखेका हुन् । गीतसंगीतको क्षेत्रमा निरन्तर कलम चलाइरहेका गीतकार चौलागाईंको शब्दमा गायक विमल डाँगीको लय रहेको पागलै बनौंला मेरी मायालु यतिबेला डिजिटल बजारमा राम्रो चर्चा पाइरहेको छ ।

यस गीतको म्यूजिक भिडियोसमेत तयार पारिएको छ । जसमा अन्जु निरौला र विनोद श्रेष्ठको अभिनय रहेको छ भने कपिल लामाको निर्देशन एवं राजेश घिमिरेको छायाँकन रहेको छ । विन्दबासिनी म्यूजिक प्रालिले बजार व्यवस्थापन गरेको पागलै बनौंला मेरी मायालु पछिल्लो समय राम्रो चर्चा पाउने क्रममा रहेको छ । पानसमा बत्ती बालेको, तिमी गयौ अर्कैको डोलीमा, भाग्य फुट्यो ऐना फुटेझैं, यो मुटु तिम्रै हो, एउटा कुरा भन्न त पाइएला जस्ता चर्चित गीतमा स्वर दिएका गायक डाँगी पछिल्लो समयमा अमेरिकामा छन् भने गीतसंगीतको क्षेत्रमा पनि उत्तिकै छाइरहेका छन् ।