![](https://musickhabar.com/wp-content/uploads/DNA-announcement-poster-300x150.jpeg)
पौष, २१ । बलिउडकी चर्चित नायिका दिपीका पादुकोणले थुप्रै हिट सिनेमा दिएर लोकप्रिय बनेकी छिन् । उनले ‘चेन्नई एक्सप्रेस’, ‘ह्याप्पी न्यू इयर’, ‘ककटेल, ए जवानी हे दिवानी’, ‘रामलिला’, ‘पीकू, ‘तमाशा’, ‘बाजिराओ मस्तानी’ लगायतका सफल चलचित्रमार्फत आफ्नो अभिनय कला देखाइसकेकी छिन् ।निकै नै सफल चलचित्रमा काम गरेर सफल अभिनेत्रीको परिचय बनाएकी दिपीकाले आज आफ्नौ ३१ औं जन्मदिन मनाइरहेकी छिन् । सन् १९८६ जनवरी ५ मा डेनमार्कको कोपेनहेगनमा जन्मिएकी दिपीकाले चलचित्र ‘ओम शान्ती ओम’ बाट सिनेनगरीमा प्रवेश गरेकी हुन् । दीपिकाले हलिउड चलचित्रमा समेत अभिनय गरेकी छिन् । दिपीका बलिउडमा आउनु अगाडि मोडलिङ र ब्याडमिन्टमा व्यस्त थिइन् ।
– एजेन्सी