माघ २५, काठमाडौं । गीत–संगीत, नृत्य, प्रहसन, हास्यव्यंग्य जस्ता मनोरञ्जक प्रस्तुति सहित यतिबेला मकवानपुरमा तेस्रो मनहरी महोत्सव भइरहेको छ । माघ १६ बाट शुरु भएको महोत्सवमा दैनिक थुप्रै नाम चलेका कलाकारहरुले प्रस्तुति दिंदै आएका छन् ।

यस्तै माघ २४ गते भने पुर्बेली लोकपप गायनमा चम्किएकी लोकप्रिय गायिका अन्जु गौतमले महोत्सवमा धमाका मच्चाएकी छिन् । अन्जुले शिरमा बस्ने फूल हुँ म ओठमा बस्ने लाली , फूलको थुंगा टिपी माला उनें तिमीलाई नै, बसैको ताँती लगायतका गीतहरु गाएर दर्शकलाई झुमाइन् ।

महोत्सवमा अर्का चर्चित लोकप्रिय गायक सुगम पोखरेलले पनि दर्शकलाई उतिकै मनोरञ्जन दिएका थिए भने अन्य स्थानिय कलाकारहरुको पनि प्रस्तुति रहेको थियो ।