![](https://musickhabar.com/wp-content/uploads/DNA-announcement-poster-300x150.jpeg)
नायिका अशिष्मा नकर्मी यतिबेला आफ्नो मनको पीडा पोख्दैमा ठिक्क छिन् । अभिनयको माध्यमले आफ्नो करिअर बनाउँदै गरेकी नायिका नकर्मीलाई यतिबेला आफ्नो प्रेमीले पलमा रुवाउने पलमै हँसाउने गरेको छ रे । मुटुमा सजाएर रुवाउने कस्तो प्रेमी होला कुन्नी ?
नायिका अशिष्मा नकर्मी र मोडल निराजन प्रधानले अभिनय गरेको म्युजिक भिडियो सार्वजनिक भएको छ । गायक महेश थुलुङको ‘पलमै हसायौँ’ बोलको गीतमा अशिष्मा र निराजनले अभिनय गरेका छन् ।
पत्रकार नविनबाबु गुरुङको निर्देशन र छायांकनमा तयार भएको म्युजिक भिडियोमा अशिष्मा र निराजनको माया प्रेम देख्न सकिन्छ । म्युजिक भिडियोको छायांकन हात्तीवन रिसोर्ट लगायतका क्षेत्रमा गरिएको छ ।
म्युजिक भिडियोमा अशिष्मा र निराजनसँगै कलाकार सुनिल मगरको समेत अभिनय समेटिएको छ । यस गीतमा मायाप्रेमभित्रकै मिलन विछोडलाई प्रमुख रुपमा प्रस्तुत गरिएको छ ।