![](https://musickhabar.com/wp-content/uploads/DNA-announcement-poster-300x150.jpeg)
माघ ५, काठमाडौं । सफल तथा हिट गितहरु दिएर नेपाली सांगीतिक क्षेत्रमा स्थापित बनेकी गायिका सहिमा श्रेष्ठले नायिका रेखा थापाको जवानीको चर्चा गरेकी छिन् । चलचित्र राज्जा रानीको ‘पिंकु मिस’ बोलको गीत यतिबेला चर्चामा छ । सहिमाको बुलन्द आवाज रहेको उक्त गीतमा रेखा थापाको जवानीको चर्चा गरिएको छ । भिडियोमा उनले आकर्षक नृत्य प्रस्तुत गरेकी छिन् ।
यम थापाको शब्द, ताराप्रकाश लिम्बुको संगीत रहेको गीतमा सहिमा श्रेष्ठको स्वर रहेको छ । पुरुषोत्तम प्रधानले खिचेको भिडियोमा विक्रम स्वाँरको कोरियोग्राफी रहेको छ । धेरैपछि रेखाले फिल्ममा आइटम डान्स गरेकी हुन् ।
तराईमा व्याप्त समस्याका रुपमा रहेको दाइजो प्रथाको कथा बोल्ने फिल्म ‘राज्जा रानी’ मा नायिका केकी अधिकारी र नायक नाजिर हुसेनको प्रमुख भूमिका छ । फिल्ममा केकी र नाजिरका अलावा कामेश्वर चौरासिया, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य, अनुज थापा लगायतका कलाकारहरुको पनि अभिनय रहेको छ ।
आर्यन फिल्म प्रोडक्सनको ब्यानरमा निर्मित तथा यम थापा निर्देशित यो फिल्मलाई रमेश एमके पौडेलले निर्माण गरेका हुन् ।
हेर्नुहोस् भिडियो: