काठमाडौं, १० चैत । गायक प्रकाश तामाङको स्वरमा सजिएको गीत सिमभन्ज्याङको चिसो ठाउँमा भिडियोलाई म्यूजिकखबर डटकमबाट सार्वजनिक गरिएको छ । आज म्यूजिक खबर डटकमबाट अनलाईन सार्वजनिक गर्दै गायक प्रकाश लामाले आफ्नो गायन अनुभवलाई अझ सशक्त बनाउँदै गीतसंगीत क्षेत्रमा निरन्तर लाग्ने बताएका छन् । यसभन्दा पहिला जाँदैछु टाढा, कस्तो अनौठो नाता जस्ता गीत गाइसकेका प्रकाशले नयाँ एल्बमको तयारी गरिरहेका छन् । जुन एल्बममा रहने एउटा गीत सिमभन्ज्याङको चिसो ठाउँमा भने भिडियोसमेत गरिसकेका छन् भने अन्य गीत रेकर्डिङको क्रममा रहेको उनले बताए ।
मकवानपुर हेटौंडामा रहेर पनि आफूलाई गीतसंगीतमा क्रियाशील गराउँदै आएका प्रकाशले केही समय विदेशमा बसेर पनि कलाकारितालाई पस्किसकेका छन् । मलेसियामा तीन वर्षसम्म रहँदा उनले त्यहाँ हुने स्थानीय कार्यक्रमहरुमा भाग लिएर आफ्नो गायन प्रस्तुत गरिसकेका छन् । मोडलिङ, गायनसमेत रहेको उनको सिमभन्ज्याङको चिसो ठाउँमा बोलको गीतको शब्द संगीत भने सूर्य लामाको रहेको छ ।

For Video Link

[youtube]https://www.youtube.com/watch?v=uMuCK8OKnsU[/youtube]