असार २८, काठमाडौं । गायिका सुनिता गुरुङले नजिकिँदै गएको हरितालिका तीजलाई लक्षित गर्दै तीज गीत तयार पारेकी छिन् । गायिका गुरुङले गायक तथा संगीतकार रमेशराज भट्टराईका साथ युगल तीज गीत गाएकी हुन् ।

भन सानु तिम्रो मन गाछ कुन कुन चिजमा
तिमलाई खुशी बनाउँछु म यसपालीको तीजमा
यसै हो र म आज बजार झरेको
किन पिर गरेको तिमलाई मन परेको
किन्दिउँला रातो चोलो बुट्टा भरेको
हङकङको चुरा लाउली हङकङको सारी
तीज गीतमा गायक रमेशराज भट्टराईले गाएका छन् । त्यसको जवाफमा गीतमै सुनिताले भाका हालेकी छिन्
हिंड बुढा आज पहिला बिशाल बजार
यसपाली त सबै कुरा किन्छु छानी छानी ।

लय र शब्द रमेशराज भट्टराईको रहेको यो तीज गीतलाई म्युजिक भिडियोमा उतारिएको छ । राजधानीको एक शानदार पार्टी प्यालेसका साथ शहर बजारमा खिचिएको म्युजिक भिडियोमा मोडल विकास फिरोज र गायिका गुरुङले नृत्य गरेका छन् भने शिवहरी पौडेल र निरु खड्काले अभिनय गरेका छन् । छायांकन नवराज उप्रेती र सम्पादन विष्णुहरी तिमल्सिनाको रहेको छ । निर्भाना कला केन्द्रले निर्माण गरेको म्युजिक भिडियोको निर्देशन दीपेन्द्र तिमल्सिनाले गरेका छन् । यसको रमाईलो म्युजिक भिडियोलाई निर्भाना टिभी नेपालले हालै युट्युबमार्पmत सार्वजनिक गरेको छ ।