ओम प्रतीक (गुरुङ)को लेखन तथा निर्देशनमा बन्न लागेको चलचित्र बटरफ्लाई (कलर्स अफ लभ) मंसिरको पहिलो हप्ता फ्लोरमा जाने भने पनि भनेजस्तो हिरोइन नभेट्दा मंसिरको अन्तिममा फ्लोरमा जाने भएको छ । सिक्स प्याक एप भनेर चिनिनने आर्यन अधिकारी र अर्पण थापाको मूख्य भूमिका रहने यस चलचित्रमा हिरोइनको च्यालेन्जिङ रोल भएका कारण भनेजस्तो अहिलेसम्म नभेटेको निर्देशक गुरुङले बताए । नायक अधिकारीलाई ८ केजी तौल घटाउन लगाएको कारण पनि चलचित्र फ्लोरमा जान ढिलाई भएको उनले बताए । बटरफ्लाई चलचित्रको शीर्षक अनुसारको जीउडाल र हाइट मिल्ने हिरोइन चाहिएको हो ।

द फ्रेम क्रियशनको ब्यानरमा निर्माण हुन लागेको चलचित्र बटरफ्लाईका निर्माता सन्तोष अधिकारी हुन् । चलचित्र कार्यकारी निर्माता रमेश प्रजापति हुन् भने कन्ट्री निर्माताका रुपमा ध्रुवराज रहेका छन् । चलचित्रका सह निर्मातामा सरोज शाह र भूपेन्द्र सुवेदी रहेका छन् । चलचित्रको छायाँकन सुरेश बज्राचार्यले गर्दै छन् भने चलचित्रको संगीतमा विकास चौधरी र दीपक शर्माले दिएका छन् । चलचित्रको गीत प्रमोद ढुंगाना, शान्तिप्रिय, ओम प्रतीक (गुरुङ) र सुरज लामिछानेले लेखेका छन् ।