पौष ७, काठमाण्डौ । नेपाली सांगीतिक जमातका पछिल्लो समयमा चर्चित नाम हो गायक सञ्जिव पराजुली र गायिका टिका प्रसाईं । सुगम संगीतका उदीयमान गायकद्धय सञ्जिव र टिकाले केहि समय अगाडि ‘तिमी मलाई मन पर्छ’ भनेर चर्चामा आएका सञ्जिव र टिकाले यतिबेला ‘नाईं मलाई थाहा छैन’ भनेर चर्चामा आएका छन् । ‘नाईं मलाई थाहा छैन’ झट्ट सुन्दा केहि सोधिएको तर थाहै नभएको जस्तो बुझिने यो शिर्षक सञ्जिव र टीका प्रसाईंको ‘सँगसँगै’ एल्बममा रहेको एक नयाँ गीत हो । यस गीतको लिरिकल भिडियोलाई यतिबेला अफर सहित सहित गायक पराजुलीको आफ्नै यूट्यूब च्यानलबाट सार्वजनिक गरिएको छ । ‘नाईं मलाई थाहा छैन’ बोलको गीतमा अन्तराष्ट्रीय नृत्य प्रतियोगिता हुने भएको छ । एक जनवरी २०१७ बाट प्रतियोगीता शुरू हुन लागेको कुरा आयोजक पक्षका बजार ब्यवस्थापक रविन्द्र कुमार शर्माले हामीलाई बताउनु बताए । बाबा एजुकेशन सिडनी, अष्ट्रेलीया र काठमांडू, नेपालको प्रायोजनमा हुन लागेको यस प्रतियोगिताले नृत्य गर्नेहरुकालागि आफ्नो प्रतिभा देशबिदेशमा देखाउने एउटा राम्रो अवसर दिनुकासाथै विजयी प्रतियोगीले नगद पुरस्कार पनि पाउने छन् । प्रतियोगितामा बिश्वभरि छरिएर रहेका नेपाली, नेपालीभाषी र नेपालीमुलका मध्ये जो कोहिले पनि भाग लिन पाउने ब्यवस्था रहेको छ ।

‘नाईं मलाई थाहा छैन’ गीतमा एकनारायण भण्डारीको शब्द, आशिष अविरलको संगीत तथा अल्मोड़ा उप्रेती रानाको संगीत संयोजन रहेको छ । प्रतियोगितामा भाग लिन पालन गर्नु पर्ने नियम, पुरस्कार राशि आदि प्रश्नहरुको उत्तर गायकद्वयको फेसबुक पेज मार्फ़त सार्वजनिक हुनेछ । हेर्दै गर्नुहोला : गायक सञ्जिव पराजुलीको फेसबुक पेज :facebook.com/SanjibParajuli/  र गायिका टिका प्रसाईंको फेसबुक पेज :facebook.com/Tika.Prasain.Music 

गीतको [लिरिकल] भिडियो हेर्नुहोस: