काठमाडौं । तिहार नजिकिँदै आएपछि आफ्ना दाजुभाइ खोज्ने, नहुनेले नयाँ बनाउने अति तिहारलाई हर्षोल्लासपूर्वक मनाउने प्रचलन चल्दै आएको छ । हिन्दूहरुको दोस्रो ठूलो चाडका रुपमा लिइने गरिएको तिहार पर्वलाई आजभोलि सांस्कृतिक रुपमा पनि उत्तिकै मनाउँदै आएका छन् । गीतसंगीत र देउसीभैलोको मार्फत तिहार मनाउने काम भइरहेको छ । त्यही तिहारकै छेको पारेर गायक ऋषि खड्का र गायिका पूर्णकला बिसीले भाइटीका लिएर आएका छन् ।

विष्णु न्यौपानेको शब्द र ऋषि खड्काको लयमा गायिका बीसी र गायक खड्काले स्वर दिएका छन् । शिवदर्शन डिजिटलले बजार प्रबद्र्धन गरेको यस भाइटीका बोलको गीतको म्यूजिक भिडियोलाई प्रविन रेश्मीमगरले निर्देशन एवं सम्पादन गरेका छन् । अच्यूत बस्नेतको कोरियोग्राफ रहेको यस म्यूजिक भिडियोमा करण चैंसिरको छायाँकन रहेको छ । भिडियोमा शुभम थापा र अन्जली अधिकारीको अभिनय रहेको छ ।