“बाख्रा स्टाईल”बाट पूर्वमा चर्चित बन्दै आरती
म्यूजिक खबर
प्रकाशित: ३ माघ २०७३, सोमबार
प्रकाशित: ३ माघ २०७३, सोमबार
माघ ३, काठमाडौं । तराई आइडल तथा एक्टिङ कम्पिटिसन्मा पहिलो उपाधि जितेकी झापाकी आरती ओझा यतिखेर पुर्वमा निकै चर्चामा रहेकी छन् । कमेडी गायक श्रीकृष्ण लुईटेलको “बव्लु” एल्वममा समावेश रहेको “यो हो बाख्रा स्टाईल”बोलको गीतले उनी चर्चामा आएकी हुन् । पुर्वमा बालकदेखि युवायुवतीको मुखैमा झुण्डिएको छ बाख्रा स्टाईल बोलको गीत । बाटो हिंड्दा पनि आरतीलाइ ‘बाख्रे स्टाईल’ भनेर जिस्काएर हैरान बनाउँछन् ।
अझ हिमशिखर टेलिभिजनबाट प्रसारित “स्टुडेन्ट”सिरियलमा प्रमुख नायिकाको भुमिकामा देखिए पछि उनको थप चर्चा चुलिको छ । एक्टिङ कम्पिटिसनबाट छानिएकी आरतीलाई यस सिरियलमा निर्देशक ज्ञानेन्द्र कोईरालाले प्रवेश गराएका हुन् । आशाको भुमिकामा प्रस्तुत भएकी आरती उनको बोल्नेशैलीले गर्दा “स्टुडेन्ट”सिरियलमा चर्चामा आएकी हुन् ।
नेपाली चलचित्रका लागि पनि थुप्रै निर्देशक तथा निर्माताबाट अफरहरु आउने गरेका छन् तर स्क्रिप्ट चित्त नबुझेर फर्काएको छु, आरती भन्छिन् । फिल्म खेल्नकै लागी भनेर यो क्षेत्रमा आएको हुँ ,राम्रो स्क्रिप्ट भएको चलचित्र पाए अवश्य खेल्छु । आरतीका अनुसार उनी यतिबेला अन्य सिरियल र आधा दर्जन म्युजिक भिडियोमा समेत अनुवन्धित भइसकेकी छिन् ।
फेसबुक प्रतिक्रिया
सम्बन्धित शीर्षकहरु
ताजा अपडेट
