![](https://musickhabar.com/wp-content/uploads/DNA-announcement-poster-300x150.jpeg)
काठमाडौं । गायक महेश बिक्रम पाण्डे र गायिका टीका पुनको स्वरमा नयाँ गीत ‘बर्षैमा आउँछ देउसी र भैलो’ को भिडियो बजारमा आएको छ । यो वर्षको तिहारलाई लक्षित गरेर यो गीतको भिडियो रिलिज गरिएको छ । गीतको भिडियोलाई पुजा गुलुङ युट्युव च्यानलबाट रिलिज गरिएको छ ।
यो गीतको शब्द, संगीत र संगीत संयोजन पनि महेश बिक्रम पाण्डेकै रहेको छ । गीतलाई महेश्वरमान राजभण्डारीले मिक्सिङ गरेका हुन् । गीतलाई पुनम रेकर्डिङ स्टुडियोमा रेकर्ड गरिएको रहेछ ।
यो गीतको भिडियोमा पवन कुमार, प्रिती गुरुङ, शुशिल मगर, नर्वदा लकान्द्रीको अभिनय रहेको छ । गीतको भिडियोलाई मदन खड्काले निर्देशन गरेका हुन् । जसमा टंक केसी र आरडी ढकालको छायाँकन रहेको छ । भिडियोलाई कलर करेक्सन राजकुमार मगरले गरेका हुन् । भिडियोमा तिहारको देउसी भैलो संस्कृतिलाई निकै आकर्षक रुपमा प्रस्तुत गरिएको छ ।