![](https://musickhabar.com/wp-content/uploads/DNA-announcement-poster-300x150.jpeg)
काठमाडौँ । नेपाली सांगीतिक क्षेत्रका लागि दिपकराज विश्वकर्मा नौलो नाम होइन । यो नाम प्रतिभाशाली संगीतकारको रुपमा स्थापित भइसकेको छ । उनले संगीत भरेका थुप्रै गीत सफल भइसकेका छन् ।
गीतको संगीत बिधालाई मुलधार बनाएर अघि बढिरहेका उनै प्रतिभाशाली संगीतकार दिपकराजको यतिबेला भने कलाकारको रुपमा देखिएका छन् ।
गायिका सुवानी मोक्तानको स्वरमा ‘समिपै पाएँ’ बोलको गीतमा उनले मोडल उषा उप्रेतीसँग अभिनय गरेका हुन् । लामो समय विछोड भएको जोडीको मिलन पछिको प्रेमालापलाई गीतको भिडियोमा देखाइएको छ ।
व्ल्यु लोटस ईन्टरटेनमेन्ट युट्युव च्यानलबाट सार्वजनिक गरिएको उक्त गीतको भिडियो निशल पौडेलले खिचेका हुन् भने युवराज वाईवाले निर्देशन गरेका हुन् ।
शिवानी मोक्तानको स्वर रहेको गीतमा शिला वहादुर मोक्तानको संगीत तथा एरेन्ज रहेको छ । निरकमल खड्काले लेखेको उक्त गीतको मिक्सिङ भने राजिब शाहले गरेका हुन् ।