काठमाडौं । मिस मंगोल नेपाल २०१५ को उपाधी डा.निमा पुनले चुमेकी छन् । शनिबार काठमाडौंको कमलादीस्थित नेपाल प्रज्ञा प्रतिष्ठानमा भएको प्रतियोगितामा आफ्ना ३० प्रतिष्पर्धीलाई उछिन्दै रोल्पाकी २३ वर्षिया डा. पुनले शिर्ष उपाधीका साथ एक लाख रुपैयाँ पुरस्कार पाएकी छन । उनी भरतपुर मेडिकल कलेजमा कार्यरत छिन ।
प्रतिष्पर्धामा सुनसरीकी २२ वर्षिया स्वरुपा थापामगर र भोजपुरकी २० वर्षिया सम्झना राई क्रमश फस्ट र सेकेन्ड रनरअप घोसित भए । स्वरुपा र सम्झनाले क्रमश ५० र २५ हजार रुपैया पुरस्कार प्राप्त गरेका छन । सम्झनाले मिस स्माइलको उपाधी पनि हात पारेकी छन । प्रतियोगीतामा देशभरका १८ जिल्लाका प्रतियोगी सहभागी थिए ।

गतवर्षकी प्रतियोगी मेरिना लिम्बुलाई ‘प्रिभियस एक्सलेन्स अवार्ड’ प्रदान गरिएको प्रतियोगीतामा सिमा राई मिस ट्यालेन्ट, चेसुङ लिम्बु पब्लिक च्वाइस, मेलिना गुरुङ फोटोजेनिक, दिपिका तुलाचन मिस पङचुअल र कुसुम क्याङबो मिस डिस्सिप्लिन घोषित भए । त्यसैगरी अरुना कुलुङ मिस पर्सनालिटी, मेलिना तामाङ मिस बेस्ट स्किन, सविना कौछामगर मिस फ्रेण्डसिप घोषित भए।

नेपाली सौन्दर्य प्रतियोगीतामा आफ्नै पहिचान बनाएको मिस मंगोल नेपालको सातौं संस्करणमा पुर्ण लामा, सुविन लिम्बु, रेखा शाह, चुडामणी भट्टराई, हिमाल राई, सिपोरा गुरुङ, भरतमणी लिम्बु, रमेशचन्द्र राई र मनिका राईसम्मिलित निर्णायक मण्डल रहेका थिए । प्रतियोगीहरुलाई कोरियोग्राफर रोजिन शाक्यले तीन साता प्रशिक्षण थिएका थिए ।
सुन्दरता, बौद्धिकता र संस्कृतीबीचको फ्युजनका रुपमा लिइएको मिस मंगोलमा विजेता छनोट प्रक्रियालाई बैज्ञानिक र सान्दर्भिक बनाउन २५ प्रतिशत एसएमएस भोटिङ, २५ प्रतिशत ट्यालेन्ट सोलाई आधार बनाइँदै आएको छ । मिस मंगोल नेपालमा १६ देखी २४ वर्ष उमेरका, घटीमा एसएलसी पास एवं पाँच फिटभन्दा बढी उचाई भएका आदिवासी समुदायका अविवाहित युवतीले भाग लिन पाउने प्रावधान रहेको छ ।