काठमाडौं । प्रहरी निरीक्षक भूपेन्द्र बुढाथोकी नेपालको पहिलो युट्युबको सिल्भर बटन पाउने प्रहरी निरीक्षक भएका छन्। गीतकारसमेत रहेका दाङ्गका भूपेन्द्रले आफ्नै रचनाहरु युट्युबबाट सार्वजनिक गरेर नै युट्युबको सिल्भर बटन पाउन सफल भएका हुन्।

उनले आफ्नै नामबाट यो युट्युब पैसा कमाउन खोलेको भने होइन। नाम कमाउने, गीत सधैँ रहने उद्देश्यले युट्युब बनाएका हुन्। यसबाट उनले अहिलेसम्म केही पैसा पनि प्राप्त गरेका छैनन्। तर सस्क्राइबर भने एक लाख पुगेको छ।
गीत बाहेक अन्य भिडियोसमेत उनले युट्युबमा राखेको छैनन्। पेसा अर्कै भएकोले मानिसबाट नेगेटिभ कुरा आउने डरले आफूले गीत बाहेकको अन्य भिडियो युट्युबमा नराखेको बताउछन्। मानिस अमर नभएपनि उसका गीतसंगीत सधैँ रहिरहने प्रहरी निरीक्षक तथा गीतकार भूपेन्द्र बुढाथोकी बताउँछन् ।
आफ्नो भूपेन्द्र बुढाथोकी युट्युब च्यानलको सस्क्राइबर एक लाख पुगेर सिल्भर प्ले बटन प्राप्त गरेका खुसी शेयर गर्दै सामाजिक संजालमा यो विचार राखेका हुन् ।

एक लाख सस्क्राइबरको खुसीमा उनले लेखेका छन्, ‘यो मेरो प्रोफेसन त होइन, म एउटा राष्ट्र सेवक कर्मचारी प्रहरी इन्स्पेक्टर भएता पनि मैले फुर्सदमा लेख्ने गरेका मेरा केही गीतहरू जसमा मैले राष्ट्रिय अवार्ड समेत पाउन सफल भए ।
आफ्नै नामको युट्युब च्यानल एकलाख सस्क्राइबर समेत पाउन सफल भए । आफ्नै नामको भूपेन्द्र बुढाथोकी युट्युब च्यानल एकलाख सस्क्राइबर पुगेको हुँदा आज युट्युबको तर्फबाट यो सिल्भर प्ले बटन अवार्ड पाउनसफल भएको छु । कोही पनि मान्छे महर हुँदैन । तर आफूले रचेका गीतसंगीत सधैँ ररिरहने छन् ।’

‘हामी नेपाल प्रहरी’ बोलको गीतबाट लेखन सुरु गरेका उनले गीत लेखनबाट धेरै गीतसंगीतका अवार्ड समेत हात पारेका छन्। ‘फुल भनौँ जिन्दगीलाई’ गीतबाट पहिलो अवार्ड पाएका उनले गायक प्रमोद खरेलको स्वर रहेको ‘धोका माथि धोका’ भन्ने गीतबाट गीतबाट दोस्रो अवार्ड समेत पाएका छन्।
त्यसपछि उनका ‘अब खुसी’, ‘डाडापारी मेरो माया’, ‘मुटु टुड्दा’ र ‘धोका माथि धोका’ गरेर ६, ७ वटा गीत सार्वजनिक भएको छ । बुढाथोकीले फुर्सदको समयलाई सदुपयोग गरेर लेखेका गीतहरु रेकर्ड गरेर युट्युबमा राख्न पाउँदा खुसि लाग्ने बताए। सानै उमेदेखी गजल, कविता लेख्ने उनले २०७३ मा असईबाट प्रहरी सेवा सुरु गरेका थिए । अहिले उनी प्रहरी निरीक्षककोरुपमा मुगुमा कार्यरत रहेका छन्।