• मार्मिक दशैं गीत ‘गरिबको दशैं’

    म्यूजिक खबर
    प्रकाशित: ६ आश्विन २०८०, शनिबार

    काठमाडौं । २०८० सालको दशैंलाई लक्षित गरेर दशैं गीत ‘गरिबको दशैं’ सार्वजनिक भएको छ । गीतलाई गायक प्रकाश पुरीले बजारमा ल्याएका हुन् ।

    यो गीतमा गायक प्रकाश पुरीलाई गायिका सुनिता दुलालले स्वरमा साथ दिएकी छिन् । शुभसाईत म्युजिक युट्युव च्यानलबाट रिलिज भएको गीतमा प्रकाशकै शब्द, रेशम थापाको थेगो तथा संगीत रहेको छ । गीतलाई आके मिलनले संगीत संयोजन, खड्ग बाजुरालीको मिक्सिङ र मास्टरिङ रहेको छ ।

    यो गीतमा गरिवहरुको दशैं कस्तो हुन्छ भन्ने व्यथा व्यक्त गरिएको छ । दशैं पर्व गरिबहरुका लागि दशा बन्ने गरेकोले सो पीडालाई यो गीतमा उतारेको गायक प्रकाश पुरीले बताएका छन् । यो दशैं गीतको भिडियो निरेन श्रेष्ठले निर्देशन गरेका हुन् । आर्थिक अभावका कारण दशैंमा एक दम्पत्तिले भोग्नु परेको पीडालाई निरेनले यो गीतको भिडियोमा दर्शाएका छन् ।

    विष्णु खड्काले सम्पादन गरेको यो गीतको भिडियोमा राम केसीको छायाँकन, कविता खड्काको श्रृंगार रहेको छ । भिडियोलाई रोयल मुभिज प्रा.लि.ले उत्पादन गरेको हो ।
    यो गीतको भिडियोमा जुना गुरुङ, राजन पुरी, रमेश श्रेष्ठ, राज गिरी, अनुषा गिरी, शर्मिला श्रेष्ठ बलामी र देवकी गिरीको अभिनय रहेको छ ।

    फेसबुक प्रतिक्रिया
    सम्बन्धित शीर्षकहरु