• ‘ह्यापी दशैं’ भन्दै आए राजु, देवी, रविन र अस्मिता

    म्यूजिक खवर
    प्रकाशित: १० आश्विन २०७८, आईतवार

    काठमाडौंँ । हामी नेपालीहरुको महान चाड दसैं नजिकिदै गर्दा यस सम्बन्धी गीतहरू बजारमा भित्रिन थालेका छन् । यस्तैमा, गायक राजु ढकाल, देवी घर्ती, रविन लामिछाने, अस्मिता दल्लाकोटीले दसैं लोकदोहोरी गीत ‘ह्यापी दशै’ बनाएका छन् ।

    परदेशमा रहेका आफन्तले स्वदेशमा रहेकी आफ्नी पियारीलाई दशै हाँसी खुसीले मनाउन आग्रह गरिएको गीतमा स्वदेशमा रहेकी पियारीले भने घर फर्किन र दसैँसँगै मनाउन आग्रह गरेकी छन् ।

    सुमधुर लयका साथ तयार गरिएको गीतमा शब्द तथा संगीत सन्तोष पन्तको रहेको छ । गीतको संगीत संयोजन भने चेतन गोतामेले गरेका हुन् ।

    गीतको भिडियोमा सन्तोष पन्त, सुस्मा ढकाल, फिल्पी देवकोटा, अस्मिता दल्लाकोटी लगायतको अभिनय देख्न सकिन्छ । वीरेन्द्र भट्टको छायाँकन, अभिनास डिसीको सम्पादन रहेको भिडियोमा मदन खड्काको निर्देशन छ ।

    फेसबुक प्रतिक्रिया
    सम्बन्धित शीर्षकहरु