‘अमेरिकन आइडल’को टप ७ आउट भए दिवेश

म्यूजिक खबर
प्रकाशित: २७ बैशाख २०७८, सोमबार

काठमाडौं । आर्थर गनको रुपमा परिचित दिवेश पोखरेल विश्वकै चर्चित रियालिटी शो ‘अमेरिकन आइडल’को टप ७ बाट बाहिरिएका छन् । सोमबार सार्वजनिक भएको भोटिङमा कम भोट पाएपछि उनी बाहिरिएका हुन् । उनले, उत्कृष्ट ५ मा स्थान बनाउन सकेनन् ।

आइतबार मदर्स डे स्पेशल कार्यक्रममा उनले गाएको गीतले दर्शकको मन जितेन । दुई जना बाहिरिनु पर्ने शोको नियम अनुसार एक आर्थर गन थिए ।

आर्थर गन अघिल्लो सिजनमा बने ‘अमेरिकन आइडल’को रनर अप बनेका थिए । कोरोना महामारीका कारण पर्याप्त स्टेज नपाएको भन्दै अमेरिकन आइडलको आयोजकले यसपटक उनलाई यो संकरणमा पनि प्रतिस्पर्धा गर्ने मौका दिएको थियो ।

मौका पाएपछि आर्थरले ८ जनालाई भोटिङको आधारमा उछिन्दै उत्कृष्ट १० मा स्थान बनाएका थिए । यो चरणमा उनले सर्वाधिक भोट पनि पाएका थिए ।

फेसबुक प्रतिक्रिया
सम्बन्धित शीर्षकहरु