काठमाडौं । लोकप्रिय गायिका दिलु सालमी मगर यतिखेर ‘जिन्दगानीमा’ बोलको गीत लिएर आएकी छन् । कुनैबेला चर्चाको शिखरमा रहेकी गायिका सलामी पछिल्लो समय गीतसंगीतभित्र नै व्यवसायिक धारमा लागे पनि यतिखेर भने दोहोरी गीत ‘जिन्दगानीमा’ बोलको गीत लिएर आएकी हुन् । उनीसँगै स्वरमा शिव काउचा मगरले साथ दिएका छन् ।

माया प्रेमको एक अन्तरंग लाई टपक्क टिपेर गायक सर्जक रेशम सापकोटाले शब्द कोरेका छन् भने शिव काउचा मगरले संगीत भरेका छन् ।
गायिका दिलु सालमी र गायक शिव काउचाको स्वर रहेको यस गीतको म्यूजिक भिडियोमा भने चर्चित मोडल करिश्मा ढकाल र अभिषेक श्रेष्ठको अभिनय रहेको छ । विक्रम चौहानको निर्देशनमा तयार भएको यस म्यूजिक भिडियोलाई प्रकाश खड्काले छायाँकन गरेका हुन् भने मिलन विश्वकर्माको सम्पादन रहेको छ । यस गीतको म्युजिक भिडियोलाई गायिका दिलु सालमी मगरको अफिसियल यूट्यूब च्यानलबाट सार्वजनिक गरिएको छ ।