मकवानपुर । चलचित्र पत्रकार संघ नेपाल मकवानपुर शाखाको चौथो अधिवेशन आईतबार सम्पन्न भएको छ । बागमती प्रदेशका आन्तरीक मामिला तथा कानुन मन्त्री शालिकराम जमकट्टेलको प्रमुख आतिथ्यमा सम्पन्न कार्यक्रममा मन्त्रि जमकट्टेलले मकवानपुरलाई चलचित्र छायाँकन नगरी बनाउन उपयुक्त ठाँउहरु रहेको बताए । उनले मकवानपुर प्राकृतीक सुनदर रहेको भन्दै बागमती प्रदेशको राजधानी भईसकेकाले यहाँका सुन्दर ठाँउहरुलाई चलचित्रमा कैद गरेर हेटौडाको सुन्दरर्ता प्रस्तुत गर्न चलचित्रकर्मीहरुलाई आग्रह गरे । मोफसलमा चलचित्रको बिकाश बिस्तारमा यहाँका सचारकर्मीहरुको उल्लेख्य भुमिका रहेको बताउँदै मन्त्रि जमकट्टेलले चलचित्रकर्मी आफैले पनि राम्रा राम्रो शन्देशमुलक चलचित्रहरु निर्माणमा जोड दिनुपर्ने बताए । मोफसलबाट चलचित्र क्षेत्रमा लागेका चलचित्रकर्मीहरुको सकृयताले नै यो क्षेत्रको बिकाश बिस्तारहुने उनले बताए ।

प्रदेशभित्र चलचित्र सम्वन्धी कानून निर्माणको तयारीमा रहेको बताउँदै उनले प्रदेशमा जेष्ठ पत्रकार र महिला पत्रकारको हितका निम्ती काम गर्न लागिएको वताए । कानून निर्माण नगरीकन पैसा खर्च गर्नका लागि समस्या रहेको वताउँदै उनले भने– ‘संसदबाट कानून पास भएर खर्च गर्दा पनि अर्थ मन्त्रालयले पैसा खर्च गर्न दिन पनि समस्या छ ।’

कार्यक्रममा चलचित्र विकास बोर्डका पूर्व अध्यक्ष राजकुमार रार्इले मोफसलमा चलचित्र क्षेत्रको बिस्तारमा संचारकर्मीहरुको ठुलो भुमिका रहेको बताए । हामीले बिदेशी चलचित्रलाई भन्दा हाम्रो नेपाली चलचित्रलाई बढीमात्रमा प्राथमिकता दिएमा यसको बिकाश बिस्तार आफै बढ्ने बताए । चलचित्र विकास बोर्डका सदस्य नरेन्द्र महर्जनले मोफसलमा चलचित्रको बिस्तारमा बिकाश बोर्डले भुमिका खेल्न बिभिन्न कार्यक्रमहरु ल्याएन लागेको बताए । उनले स्तरीय चलचित्र बनाउन पनि चलचित्रकर्मीहरुमा आग्रह गरे ।
ब्रोकाष्टिङ एशोसिएसनका उपाध्यक्ष उज्वल चौलागाई, नेपाल पत्रकार महासंघका बागमती प्रदेशका अध्यक्ष प्रताप विष्ट, पत्रकार महासंघ मकवानपुरका अध्यक्ष हरि हुमागाईं, चलचित्र संघका द्वतीय उपाध्यक्ष कुबेर शर्मा, चलचित्र पत्रकार संघ मकवानपुरका संस्थापक अध्यक्ष कुमार अधिकारी,चलचित्र पत्रकार संघका केन्द्रिय महासचिब अनिल यादब, सचिब समिर बलामी, बैकुन्ठ पराजुली सहकोषाध्यक्ष जिबन पराजुली लगायतकाले मन्तव्य व्यक्त गरेका थिए ।

यस्तै कार्यक्रममा चलचित्र पत्रकार संघ नेपाल मकवानपुर शाखाले तत्कालिन चलचित्र विकास बोर्डका अध्यक्ष स्वर्गिय केशब भट्टराईको परिवारलाई एक लाख एक हजार रुपैयाँको चेक हस्तान्तरण गरेको छ । स्वर्गिय केसव भट्टराई परिबार सहयोग समितिका संयोजक एबं बिकाश बोर्डका पुर्ब अध्यक्ष राजकुमार राईलाई चलचित्र पत्रकार संघ मकवानपुरका अध्यक्ष मणिराज गौतमले चेक हस्तान्तरण गरेका थिए । चेक हस्तान्तरण गर्दै अध्यक्ष गौतमले स्वर्गिय केसव भट्टराईले यो क्षेत्रमा दिनु भएको योगदान सदैब अमुल्य रहने बताए ।

कार्यक्रममा स्वर्गिय केसव भट्टराईको श्रदान्जली सभा समेत आयोजना गरिएको थियो ।यस्तै चलचित्र पत्रकार संघ मकवानपुरको चौथो अधिवेशन पनि आईतबार नै सम्पन्न भएको छ ।
अधिवेशनले मणिराज गौतमको अध्यक्षतामा ९ सदस्यीय कार्यसमिति सर्वसम्मत चयन गरेको हो । समितिको उपाध्यक्षमा कपिल खड्का, सचिवमा श्रीराम अर्जुन दाहाल, कोषाध्यक्षमा मनोज देवकोटा र सहसचिवमा रविन्द्र गौतम चयन भएका छन् । त्यसैगरी सदस्यहरुमा सन्नु रिजाल, दर्शन क्षेत्री, अमृता पराजुली र दिपक सिंह रुम्बा सर्वसम्मत चयन भएको निर्वाचन कमिटीका संयोजक गिरिजा अधिकारीले जानकारी दिए ।