काठमाडौं । नेपालको राजनीतिमा बाबुराम चर्चित नाम हो । राजनीतिबा सेलाएका बाबुरामको चर्चा घट्दै जाँदा यता भने तिजको अवसरमा बजारमा आएको गीत ‘बाबुराम’को चर्चा देखिन्छ । यीत बाबुराम भने तीनपानेले टिन्न भएका ‘बाबुराम’ हुन् । तिजको बेलामा तीनपानेले लौरो बटार्दै हिंड्ने ‘बाबुराम’को भूमिकामा लोकप्रिय गायक, संगीतकार खेम सेन्चुरी देखिएका छन् । कमेडी शैलीमा निर्माण गरिएको भिडियोमा ‘बाबुराम’को भूमिका निभाएका खेम सेन्चुरी र अन्जली अधिकारीको अभिनय देख्न सकिन्छ ।

‘बाबुराम’ गीतमा सुनिता बुढा क्षेत्री र खेम सेन्चुरीको स्वर रहेको छ । खेम सेन्चुरीको संगीत रहेको यस गीतमा नेत्र अर्याललको शब्द रहेको छ । विनोद बाजुरालीको संगीत संयोजन रहेको यस गीतमा खडग बाजुरालीको मिक्सिङ रहेको छ ।

‘बाबुराम’ गीतको भिडियोलाई लोकप्रिय निर्देशक प्रकाश भट्टको निर्देशन एवं कोरियोग्राफी रहेको छ । बुद्ध थापाको छायाँकन रहेको यस भिडियोलाई टेकेन्द्र शाहले सम्पादन गरेका छन् । ‘बाबुराम’को भिडियोलाई मशकबिन नेपालले बजारमा ल्याएको हो ।