काठमाडौं । गायक नरेश जोगीका दुई गीत ‘पागल पागल मन’ र ‘मच्छी मारे जाई’ दुई गीत सार्वजनिक भएका छन् । केही दिन पहिले मात्र नरेश जोगीको शब्द, संगीत र स्वरमा थारु गीत ‘मच्छी मारे जाई’ लाई सार्वजनिक गरेका थिए भने यतिबेला ‘पागल पागल मन’ सार्वजनिक गरेका छन् ।
माघे संक्रान्तिको अवसर पारेर नरेश जोगीले लोकप्रिय गायिका अञ्जु पन्तसंग गाएको ‘पागल पागल मन’ बोलको थारु गीतको भिडियो नरेश जोगीको अफिसियल च्यानल मार्फत सार्वजनिक भएको छ । नरेश जोगी र नेहा चौधरी लगायतको अभिनय रहेको भिडियोमा छायांकन ओम प्रसाईले गरेका छन् । भिडियोको सम्पादन अमृत चापागाईको रहेको छ भने निर्देशन तथा कोरियोग्राफी प्रदिप कुमार रसाइलीको रहेको छ ।
आफ्नो कला संस्कृति, भेषभुषा र भाषा संरक्षणमा युवा पुस्ता जागरुक छन् भन्ने उदाहरण कैलालीका युवा गायक, कलाकार नरेश जोगीलाई लिन सकिन्छ । उनका प्राय गीतहरु आफ्नो भूगोल, भेषभूषा र समुदायसँग सम्बन्धित रहेका छन् ।