९ अभिनेत्रीलाई ‘राष्ट्रिय नवदुर्गा सम्मान’

म्यूजिक खवर
प्रकाशित: ९ आश्विन २०७९, आईतवार

काठमाडौं । नायिका तथा निर्माता रेजिना उप्रेती र कलाकार बिमला केसीको दुई संस्थाले घटस्थापनाका दिन नेपाली चलचित्र क्षेत्रका ९ जना नायिका एवं अभिनेत्रीहरुलाई ‘तेस्रो राष्ट्रिय नवदुर्गा सम्मान-२०७९’ बाट सम्मान गर्ने भएकाे छ ।

नेपाली चलचित्र क्षेत्रमा पुर्याएको अतुलनिय योगदानको कदर स्वरुप रेजिना इन्टरटेनमेन्ट र सहिद फिल्म्सले संयुक्त रुपमा अभिनेत्रीहरु भारती घिमिरे, झरना थापा, स्वेता खड्का, ऋचा शर्मा, मेनका प्रधान, प्रियंका कार्की, पुजा शर्मा, शिल्पा पोखरेल र सुहाना थापालाई सम्मान गर्ने भएको हो ।

कार्यक्रम असोज १० गते सोमबार घटस्थापनाको दिन चलचित्र विकाश बोर्डको हलमा हुनेछ । सो अवसरमा सम्मानित हुने ९ जना अभिनेत्रीहरुले अभिनय गरेका ९ वटा गितबाट नै सांस्कृतिक प्रस्तुतिहरु रहने आयोजकले जनाएको छ ।

फेसबुक प्रतिक्रिया
सम्बन्धित शीर्षकहरु