काठमाडौं । नेपाली युवाहरूको रोजाईमा पर्न सफल गायक हुन् नितेष जंग कुँवर। वर्तमान युवा अवस्थाहरूलाई हुबहु शब्दमा उतारी सङ्गीतले सजाई दर्शक सामु पस्कन उनी खप्पिस छन् । त्यसैले त उनका पछिल्ला जति पनि गीतहरू आए सबै हिट छन् । अझ त सामाजिक सञ्जालमा उनलाई जिरो हेटर्स गायक पनि भनिने गरिएको छ । यसको मतलब हो उनलाई मननपराउने कोही छैनन् ।

तर यतिबेला उनले संगीत क्षेत्र छाड्ने संकेत गरेका छन् । उनले फेसबुकमा लेखेको स्टाटसबाट यो संकेत बुझ्न सकिन्छ । उनले लेखेका छन् –‘साथीहरू, मेरो सांगीतिक यात्रा टुंग्याउने समय भएको महसुस गरेको छु ।
उतारचढावयुक्त यात्राका लागि यहाँहरू सबैमा धन्यवाद दिन चाहान्छु,’ । स्ट्याटससँगै उनले कन्सर्टका केही तस्बिर पनि पोस्ट गरेका छन् । नीतेशले ५ वर्षअघि ‘गफै त हो’ बोलको गीतबाट सांगीतिक यात्रा सुरु गरेका थिए । भ्लगर सिसन बानियाँको प्रेरणाले गीत बनाउँदै युट्युबमा हाल्दै गरेका नीतेशले छैटौं गीत ‘गेडेजस्तै जीन्दगी’बाट सफलता चुमेका थिए ।
गायन र युट्युबबाट नै आफूलाई प्रिय पात्रको रुपमा चिनाउन सफल नितेषले संगीत छाड्न नभई अरु नै मनासायले स्टाटस लेखेको सावित होस् भनेर फ्यानहरुले कामना गरिरहेका छन् ।