काठमाडौं । नेपाली रक ब्याण्ड ‘अभया एण्ड स्टिम इन्जन्स’की गायिका तथा भ्वाइस अफ नेपालको पहिलो सिजनकी जज समेत अभया सुब्बाले ‘सांगीतिक विश्राम’ लिने घोषणा गरेकी छन् ।

अब उनी संगीतमा नभई रचनात्मक चीजहरुको खोजिमा निस्किने बताएकी छिन् । सामाजिक सञ्जाल फेसबुक मार्फत उनले यो जानकारी गराएकी हुन् । फेसबुकमा एक तस्बिर सहित उनले लेखेकी छिन् – ‘म संगीतबाट ब्रेक लिंदैछु । कहिलेकाहीं एक जोश पनि आफैलाई भारी पर्ने रहेछ । अब म केवल यात्रा गर्नेछु र अन्य लक्ष्यहरु फेला पार्नेछु जुन मैले संगीतको प्रेमको लागि छुट्याएको पनि हुन सक्छ।’ उनले लेखेको स्टाटस यस्तो छ –
I am taking a break from music. Never realized that even a passion can sometimes weigh heavy on the self. In the meantime I will just travel and find other passions that I might have set aside for the love of music.

उनले संगीतबाट ब्रेक लिने जानकारी सहितको पोष्टमा उनका फ्यान, फलोअर्सले प्रतिक्रिया जनाइरहेका छन् ।

नेपाली रक ब्याण्ड जनरामा अभया अत्यन्तै लोकप्रिय छिन् । रक तथा पपलाई नेपाली लोकलयसँग मिश्रण गरेर गाउने मिठास उनका गीतमा सुन्न पाइन्छ ।

उनको ब्याण्ड ‘अभया एण्ड स्टिम इन्जन्स’ले सन् २०२४ मा ‘बादल’ र ‘आत्तिन्छ किन’जस्ता गीत सार्वजनिक गरेको छ ।

उनी ‘वुमन इन कन्सर्ट’ नामक महिला सांगीतिक कार्यक्रमकी संस्थापक पनि हुन, ।
‘वुमन इन कन्सर्ट’ले नयाँ महिला संगीतकर्मीका लागि काम गर्दछ । लाई सुरक्षित वातावरण सिर्जना गर्छ । पछिल्लो समय उनी ‘वुमन इन कन्सर्ट’मा पनि व्यस्त थिइन् ।