काठमाडौं । गायक शिव केसीको नयाँ गीत ‘बानी राम्रो’ विवाहको बेलामा बसेको रोधीको झ–झल्को रुपमा लिइएको छ । गाउँघरमा विवाहको बेला खेलिएको दोहोरीजस्तै गरेर म्यूजिक भिडियो निर्माण गरिएको हुँदा पनि यस गीतले रोधीको झ–झल्कोलाई मेटाउन सफल भएको छ । गायक रविन लामिछाने, हरिराम परियार र शिव केसीको स्वर रहेको यस गीतमा महिला आवाजमा भने विनिता गुरुङ, सुमित्रा तामाङ, रोमी रोका, टिका गुरुङको स्वर रहेको छ ।
गायक शिव केसीको संगीत रहेको यस गीतमा काजीबाबु अर्यालको शब्द संकलन रहेको छ । माधव भण्डारीको संगीत संयोजन रहेको गीतलाई डिका गुरुङले मिक्सिङ गरेको छन् ।

यस गीतको भिडियोलाई मिलन श्रेष्ठको निर्देशन रहेको भिडियोलाई मुकेश हुमागाईंले छायाँकन गरेका छन् । भिडियोलाई रोशन धितालले सम्पादन गरेका छन् । भिडियोलाई गायक रविन लामिछानेको यूट्यूब च्यानलबाट सार्वजनिक गरिएको हो ।