काठमाडौं । लोकप्रिय गायक तथा संगीतकार राजनराज सिवाकोटी र लोकप्रिय गायिका जुनु रिजाल काफ्लेको स्वरमा ‘मै मत्ते जवानी’ सार्वजनिक भएको छ। अग्रज गीतकार राजेन्द्र थापाको शब्द रहेको उक्त गीतमा गायक सिवाकोटीकै सङ्गीत सुन्न सकिन्छ।

सार्वजनिक गीतको म्युजिक भिडियोलाई सुनिल क्षेत्रीले कोरियोग्राफी र निर्देशन गरेका हुन्। जहाँ सुनिल क्षेत्री र लोसिना लामिछानेको रोमान्टिक जोडीको अभिनय देख्न सकिन्छ।

दिपक गिरीको छायाँकन रहेको म्यूजिक भिडियोलाई अमृत चापागाईंले सम्पादन गरेका छन् । समिता स्नेह इन्टरटेनमेन्टले गीतलाई बजारमा ल्याएको हो।