काठमाडौं । प्रदेश नं १ सरकारको सामाजिक विकास मन्त्रालयद्वारा प्रदान गरिने भाषा, कला, साहित्य र संस्कृतिको क्षेत्रमा विशिष्ट योगदान पु¥याउने स्रष्टाहरुलाई दिइने सम्मान तथा पुरस्कारको सूची सार्वजनिक गरेको छ । प्रदेश नं. १ को कार्तिक १२ गते बसेको मन्त्रीयस्तरीय निर्णयबाट विभिन्न कला, साहित्यका विभिन्न स्रष्टाहरुलाई सम्मान गरिने भएको छ ।
बालकृष्ण पोखरेल भाषा साहित्य कला सम्मान २०७८बाट मोरङका बलराम पोखरेलाई सम्मानित गरिने भएको छ ।
त्यस्तै प्रदेश भाषा साहित्य कला प्रतिभा सम्मान २०७८ बाट सम्मानित हुनेमा साहित्यकार लक्ष्मण नेवटिया, डमरुबल्लभ भण्डारी, सरस्वती दुमी राई, नवीन राई, शंकर खरेल, भानुभक्त कुभिण्डेली, मञ्जुश्री गिरी रहेका छन् । संगीतर्फबाट राम दियाली, सत्यकला राई र टीका चाम्लिङ रहेका छन् भने रङ्गमञ्चबाट माधव कल्पित र चलचित्रबाट प्रेम सुब्बा रहेका छन् ।

त्यसैगरी नवोदित भाषा साहित्य कला प्रतिभा पुरस्कार २०७८ बाट सम्मानित हुनेहरुमा साहित्यतर्फ खगिन्द्र निरौला ‘खुशी’ र कविता राई रहेका छन् । गीतसंगीतर्फ सञ्जिव धिमाल रहेका छन् रङ्गमञ्चतर्फ सुरेश पोर्तेल र रामभजन कामत रहेका छन् ।